Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք          Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս       Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ    

23 հուլ 2018 16:00

Ինչպե՞ս և որքա՞ն գումարով կարելի է գնել տարբեր երկրների քաղաքացիություն

 Ինչպե՞ս և որքա՞ն գումարով կարելի է գնել տարբեր երկրների քաղաքացիություն
Bloomberg գործակալությունը հրապարակել է այն երկրների ցանկը, որոնց քաղաքացիությունը կարելի է ստանալ՝ ներդրում անելով նրանց տնտեսությունում: Այս մասին հայտնում է «ՌԻԱ Նովոստի»-ն:
Ցանկում ներառվել է 10 պետություն, որից 8-ը, Արժույթի միջազգային հիմնադրամի որակավորմամբ, օֆշորային գոտի է համարվում, սակայն գործարարների մեծամասնությունը քաղաքացիություն է գնում այլ պատճառով:
«Եթե դուք զբոսանավ և երկու ինքնաթիռ ունեք, ապա հաջորդ բանը, որ պետք է անեք, Մալթայի անձնագիր ունենալն է: Դա կարգավիճակի վերջին խորհրդանիշն է: Մենք հաճախորդներ ունենք, ովքեր պարզապես դրանց հավաքածուն ունեն»,- գործակալությանը հայտնել է Քրիստիան Քելինը՝ քաղաքացիության հարցերով խորհրդատու Henley & Partners ընկերության ղեկավարը:
Գործակալությունը որպես «ամենաթանկ» ճանաչել է Ավստրիայի քաղաքացիությունը: Որպեսզի ավստրիական անձնագիր ունենաք, պետք է տեղի տնտեսությունում 27.75 միլիոն դոլար ներդրում անեք: Երկրորդ հորիզոնականում ավելի քան 10 անգամ ցածր գնով հայտնել է Կիպրոսը, որի քաղաքացիությունը կարելի է «ձեռք բերել» 2.375 միլիոն դոլարով: Առաջատար եռյակը եզրափակում է Մալթան, որի անձնագիրը ներդրողների համար կարժենա 1.065 միլիոն դոլար:
«Ամենաէժան» քաղաքացիությունները, պարզվում է, Սենթ Լուիսի, Դոմինիկայի ու Անտիգուա և Բարբուդայինն են: Դրանք արժեն 100 000 դոլար:

Մեկնաբանություններ


Համընկնող լուրեր