Սիամական երկվորյակները, որոնց համար բժիշկները 24 ժամվա կյանք էին կանխատեսել, պատրաստվում են նշել իրենց երկամյակը (ֆոտո)
Սիամյան երկվորյակները, որոնց համար բժիշկները 24 ժամվա կյանք էին կանխատեսել, պատրաստվում են նշել իրենց երկրորդ տարեդարձի օրը: Այդահո նահանգից Քալլի եւ Քարթեր Թոփեսները ծնվել են 2017 թվականի հունվարին, հայտնում է The Daily Mail-ը: Սիամյան երկվորյակները սերտաճած են կոնքի հատվածում, եւ նրանցից յուրաքանչյուրն ունի կենսականորեն կարեւոր օրգանների իր «լրակազմը»:Քալլին եւ Քարթերն արդեն սովորում են քայլել եւ աստիճանաբար դադարում են դեղ ընդունել: Չնայած նրանց անջատելու վիրահատությունը միանգամայն հնարավոր է, ծնողները՝ 25-ամյա Չելսին եւ 24-ամյա Նիկը, կարծում են, որ երկվորյակներն ուժեղ են, երբ միասին են: Ծնողների խոսքով՝ իրենք պատրաստ են վիրահատության անցկացումը քննարկել միայն այն ժամանակ, երբ երկվորյակ աղջիկները մեծանան, եւ եթե նրանք առողջական խնդիրներ ունենան:
Մինչ այդ Չելսին եւ Նիկը փորձում են նրանց քայլել սովորեցնել, ինչը սիամյան երկվորյակների համար իսկական փորձություն է: Բժիշկների կանխատեսումներով՝ աղջիկները չեն կարողանա քայլել մինչեւ 4 տարեկան դառնալը:
Չելսիի եւ Նիկի 5-ամյա որդին՝ Ջեյսոնը, քույրերի հետ արդեն ընկերացել է, խաղում է նրանց հետ եւ աշխատում ծնողներին օգնել:
Քալլին ու Քարթերը տարբեր բնավորություններով են օժտված. Քարթերը պահանջկոտ է, իսկ Քալլին՝ շատ մեղմ:
