Կալիֆոռնիայում հրաձգության հետևանքով զոհվել է 3, վնասվածքներ ստացել 4 մարդ
ԱՄՆ Կալիֆոռնիա նահանգի Թորենս քաղաքի բոուլինգ ակումբներից մեկում տեղի է հրաձգություն, ինչի հետևանքով զոհվել է երեք մարդ, հայտնում է nypost.com-ը՝ մանրամասնելով, որ կա նաև չորս վիրավոր:Թորենսի ոստիկանության փոխանցմամբ՝ միջադեպը տեղի է ունեցել Gable House Bowl ակումբում՝ տեղի ժամանակով կեսգիշերից առաջ:
Ոստիկանությունը դեպքի առնչությամբ որևէ մանրամաս չի ներկայացրել, սակայն ականատեսների պատմելով՝ ամեն ինչ տեղի է ունեցել մարդկանց երկու խմբի միջև վեճի հետևանքով:
Ականատեսներից մեկի խոսքով՝ կռիվն այնքան թեժ էր, որ «իսկական քաոս էր ստեղծվել»:
«Ընդհանուր առմամբ՝ հնչել է մոտ 15 կրակոց», - հավելել է նա:
