Ծխող մարդիկ երկու անգամ ավելի արագ են ծերանում. հետազոտություն
Ծխող մարդիկ երկու անգամ ավելի արագ են ծերանում, քան չծխողները։ Նման անսպասելի եզրահանգման են եկել Insilico Medicine ընկերության մասնագետները. ընկերությունը մասնագիտանում է ծերացման ուսումնասիրման եւ «անմահության» դեղամիջոցի մշակման գործում՝ արհեստական ինտելեկտի ու համակարգչային ուսուցման օգնությամբ։Գիտնականները վերցրել են 149 հազար մարդկանց արյան նմուշները, որոնցից 49 հազարը ծխող է եղել։ Նրանց ֆիզիկական առողջության համալիր ուսումնասիրություններ կատարելով՝ մասնագետները եկել են եզրահանգման, որ 20 եւ 30 տարեկան ծխողներն ունեցել են ծերուկների մարմին. ծխախոտից կախված կամավորականների կենսաբանական տարիքը երկու անգամ ավելին է եղել իրենց իսկական տարիքից։ Սա գիտնականները կարողացել են կանխատեսել, իսկ հետո նաեւ ապացուցել։ Միեւնույն ժամանակ, չծխողների 62%-ի կենսաբանական տարիքը նույնպես ճիշտ էր կանխատեսվել։
Հետազոտողները նշել են նաեւ, որ կանայք ծխելու պատճառով շատ ավելի ուժեղ են ենթարկվում տարիքային փոփոխությունների, եւ նրանց համար շատ ավելի դժվար է հրաժարվել ծխելու սովորությունից ու վերականգնվել ծխելը թողնելուց հետո։
