Դատարանը հետաձգեց Քոչարյանի խափանման միջոցը փոխելու մասին պաշտպանների դիմումի քննությունը
Երկրորդ նախագահ Ռոբերտ Քոչարյանի խափանման միջոցի վերաբերյալ վերաքննիչ բողոքի քննության գործով դատական նիստը հետաձգվեց, այն կշարունակվի վաղը` 15:00-ին: Այս մասին լրագրողների հետ զրույցում հայտնեց ՀՀ գլխավոր դատախազության հատկապես կարևոր գործերով քննության նկատմամբ հսկողության վարչության պետ Վահագն Մուրադյանը:Նա տեղեկացրեց, որ պաշտպանական կողմը չի ավարտել իր բողոքը:
«Մենք առարկելու ենք, բայց բողոքը ամբողջությամբ լսելուց հետո»,- ասաց նա:
Մուրադյանը դժվարացավ ասել` վաղը կավարտվի՞ բողոքի քննությունը, թե՞ ոչ:
«Բավական աշխատանք կա անելու»,- ասաց նա:
