Հայաստանը Սիրիայում ռազմական գործողություններին մասնակցելու մասին Փաշինյանն և Տոնոյանը հակասում են իրար
Սիրիա Հայաստանը ուղարկել է հումանիտար առաքելություն, այսօր Ազգային ժողովում կառավարության ծրագրի քննարկման ժամանակ հայտարարեց Հայաստանի վարչապետ Նիկոլ Փաշինյանը՝ պատասխանելով «Լուսավոր Հայաստան» խմբակցության պատգամավոր Արման Բաբաջանյանի հարցին:Պատգամավորը հետաքրքրվում էր, թե արդյոք հայկական կողմը Սիրիայում իր ներկայությամբ չի՞ թիրախավորում հայ համայնքը, հնարավո՞ր է որևէ պահի հայկական կողմը ներգրավվի այնտեղ ծավալվող ռազմական գործողություններին և ե՞րբ է Հայաստանը ծրագրում դուրս գալ այնտեղից:
«Սիրիա մենք ուղարկել ենք հումանիտար առաքելություն: Ինչ վերաբերում է պաշտպանության նախարարի պատասխանին՝ պետք է պարզել՝ ինչ հարց է հնչել և ինչ հարցի համատեքստում է նա այդպիսի հայտարարություններ արել: Մենք նման պլաններ չունենք», - ասաց Նիկոլ Փաշինյանը:
Փետրվարի 12-ին ՀՀ պաշտպանության նախարար Դավիթ Տոնոյանը, պատասխանելով հարցին, հայտարարել էր, որ Սիրիայում Հայաստանի հումանիտար առաքելությունն իրականացվում է օրենքի տառին համապատասխան։