Տեսանյութ. Ինչպիսի՞ խցերում են պահվում կալանավորները. Վերաքննիչ դատարանում Բաց դռների օր էր
ՀՀ վերաքննիչ քրեական և ՀՀ վերաքննիչ քաղաքացիական դատարանների հիմնադրման 20-ամյա հոբելյանի առթիվ այսօր տեղի ունեցավ «Բաց դռների օր» միջոցառումը: Վերաքննիչ դատարանի բոլոր սահմանափակ և փակ գոտիները հասանելի էին հանրության համար, և ցանկացողները շրջայց կատարեցին:Լրագրողները ծանոթացան մինչ դատական նիստը կալանավորների պահման վայրերին, դրանք հինգն էին: Դատական ավագ կարգադրիչ Արմեն Մաթևոսյանը նշեց, որ կալանավորները խցեր են բերվում դատից առաջ, իսկ հետո մինչև աշխատանքային օրվա վերջը`18:00-ն, տանում են:
Ըստ կարգադրիչի` սանիտարական խնդիր չկա: Նա նշեց, որ մեկ խցում պահվում է երկուսից երեք կալանավոր: «ՀՀ երկրորդ նախագահի համար առանձնացրած խուց չկա»,-ասաց նա և նշեց, որ և´ Ռոբերտ Քոչարյանը, և´ Սերժ Սարգսյանի թիկնազորի պետ Վաչագան Ղազարյանը ևս պահվել են այս խցերում:
Դատարաններում կալանավորների պահման խցեր մուտք գործել չթույլատրվեց, քանի որ դրանք զննված են:
