Բանակից խուսափած 27 տարին լրացածները կազատվեն քրեական պատասխանատվությունից. մինչև մարտի 1-ը վճարել գումարն ու վերադառնալ Հայաստան
Այսօր՝ մարտի 6-ին, Ազգային ժողովն երկրորդ ընթերցմամբ և ամբողջությամբ ընդունեց «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» ՀՀ օրենքում փոփոխություններ կատարելու մասին» օրենքի նախագիծը:Լուսավոր Հայաստան խմբակցության կողմից հեղինակած նախագիծն ընդունվեց միաձայն՝ 122 կողմ:
Նախագծով առաջարկվում է հետաձգել օրենքի գործողության ժամկետը, այն 2017 թվականի դեկտեմբերի 1-ի փոխարեն սահմանելով 2019 թվականի մարտի 1-ը: Նման փոփոխությունը հնարավորություն կտա 27 տարին լրացած պարտադիր զինվորական ծառայությունից խուսափած քաղաքացիներին սահմանված ժամկետում մուծել օրենքով սահմանված դրույքաչափերին համապատասխան վճարը և վերադառնալով հայրենիք՝ ազատվել քրեական պատասխանատվությունից:
