Տեսանյութ.Սևանը լիովին առողջ է.նախազգուշացնում ենք, անձամբ ես էլ կգամ, ճանապարհ կփակենք
Սևանա լճի ափամերձ շինությունների սեփականատերերը Գեղարքունիքի մարզպետ Գնել Սանոսյանի և Սևանի համայնքապետ Սարգիս Մուրադյանի հետ ունեցած հանդիպումից հետո կրկին փակել են Երևան-Սևան մայրուղին։ Սևանի շուրջ խոսակցությունները նրանք համարում են ուղղորդված՝տարբեր բիզնես շահերով պայմանավորված:
Ցուցարարներին մոտեցավ ԱԺ պատգամավոր, ԵԿՄ նախագահ Սասուն Միքայելյանը և հորդորեց բացել ճանապարհը. «Բացում եք, սա համարում ենք նախազգուշացում, անձամբ ես էլ եմ զբաղվելու, մինչև չորեքշաբթի: Մինչև չորեքշաբթի եթե հայտարարություն չլինի, անձամբ ես էլ կգամ, ճանապարհ կփակենք»:
Քննարկումներից հետո ցուցարարները համաձայնեցին և բացեցին ճանապարհը:
Ակցիայի դադարեցումից հետո Սևանի քաղաքապետն ու Գեղարքունիքի մարզպետը ժողովրդի կրքերը հանդարտեցնելու համար մեկնեցին հանրային լողափ, որպեսզի լողան և վստահեցնեն, որ Սևանը լիովին առողջ է:
