Բանակում բան կա՞ր, որ գողանայինք...Ոչ սպա ունեինք, ոչ զինվոր, ոչ բաղնիք...Հո ախմախ չի, որ հետ գա

Նախկին իշխանությունների օրոք բանակը թալանվել է։Այս մասին մամուլի ասուլիսի ժամանակ ասաց ԱԺ նախկին պատգամավոր, գեներալ Սեյրան Սարոյանը՝ չհստակեցնելով, թե ովքեր են եղել բանակ թալանողները։
«Հիշու՞մ եք, որ ամբիոնից ասացի պարոնայք զգուշացնում եմ Ձեզ, որ էդ տուշոնկաները, կաթը կոխում եք, դատախազից մի վախեցեք, Աստծո պատժից վախեցեք»,-ասաց Սեյրան Սարոյանը։
Հարցին ինքն արդյոք գողացել է բանակից, թե ոչ, գեներալն արձագանքեց. «Գիտե՞ք քանի հազար զինվոր է իմ մոտ ծառայել։ Սենց կարայի բաց խոսայի։ Տենց զինվոր չկա, որ իմ մոտ ծառայած լինի ու իմ անունով չերդվի»,-ասաց Սարոյանը։
Լրագրողի այն դիտարկմանը, որ դեռ տարիներ առաջ Սարոյանն ասել է, որ գեներալ Հայկազ Բաղրամյանին ընկերը թանկարժեք մեքենա է նվիրել՝ բանակից գողություն չանի, Սեյրան Սարոյանն ասաց. «Բանակում բան կա՞ր, որ գողանայինք։ Ոչ սպա ունեինք, ոչ զինվոր, ոչ բաղնիք, ոչ կազարմա։ Գիտե՞ք բանակը ոնց ենք սարքել»։

 

Հարցին, բա ինչու՞ չի գալիս Հայաստան, նախկին պատգամավորը պատասխանեց. ‹‹Դե չի գալիս, որ չբռնեն հո ախմախ չի, որ հետ գա , որ գա Նիկոլը բռնելու է››:
Հիշեցնենք, ո ՀՔԾ վարույթում քննվող քրեական գործով ԴԱՀԿ նախկին պետ Միհրան Պողոսյանը գտնվում է հետախուզման մեջ, որին հայտնաբերել են Ռուսաստանում, սակայն նրան արտահանձնելու ՀՀ գլխավոր դատախազության միջնորդությունը ռուսական կողմը մերժել է։