Տեսանյութ.Շանսերը շատ քիչ են.Ծեծված փոխգնդապետի վիճակը վատանում է. այս պահին նա կոմայի մեջ է
«Փոխգնդապետ Արա Մխիթարյանն այս պահին ծայրահեղ ծանր վիճակում է, կոմայի մեջ է, արհեստական շնչառություն է միացրած»,-այս մասին ասել է հոսպիտալի պետի տեղակալ Կարեն Գրիգորյանը նշելով, որ փոխգնդապետի ապրելու շանսերը շատ ցածր են։«Որոշակի բացասական փոփոխություններ Համակարգչային տոմոգրաֆիայի (կատե) հետազոտության տվյալներով այսօր ունենք»,- ասաց նա։
Կարեն Գրիգորյանի փոխանցմամբ՝ փոխգնդապետ Արա Մխիթարյանը հոսպիտալ է տեղափոխվել փակ գանգուղեղային վնասվածքով, սուբարխնոիդալ բավականին մեծ արյունազեղային օջախով և ուղեղի աջ կիսագնդի դիսլոկացիայով՝ տեղաշարժով, անգիտակից վիճակով։
Հիշեցնենք, որ Hayacq.com-ը տեղեկացրել էր Եղեգնաձոր քաղաքում, սեպտեմբերի 18-ի գիշերը մարզպետարանի աշխատակիցների կողմից ծեծի է ենթարկվել զինվորական, կոչումով` փոխգնդապետ, որի հետեւանքով վերջինս տեղափոխվել է հոսպիտալ. նրա վիճակը գնահատվում է ծանր: Ըստ տեղեկությունների`փոխգնդապետի նկատմամբ կիրառված բռնությանն անմիջական մասնակցություն է ունեցել նաեւ մարզպետը, սակայն քրեական գործով պաշտոնապես ներգրավված է միայն մարզպետի օգնականը, որին առաջադրվել է մեղադրանք ու կալանավորվել։
