17:00 - ՀՀ-ում իրավունքի և օրենքի գերակայությունն անպայման հաստատվելու է.Արսեն Բաբայան         16:30 - Ուկրաինայում կալանավորվել է ԻԼԻՊ կարեւոր առաջնորդներից մեկը, որը Վրաստանի քաղաքացի է      16:00 - Զույգը «Զվարթնոցից» մեքենա է պատվիրել. երբ վարորդն իջել է ջուր խմելու, փախցրել են այն. մեքենան գտել են վթարված    

18 հոկ 2019 10:18

Նոր օրինագիծ, որով միասեռականներին հավասարեցնում են ընտանիքին.նրանց միջև բռնությունը հա­մարվելու է բռնություն ընտանիքում .«Իրավունք»

«Իրավական ակտերի նախագծերի հրապարակման միասնական կայ­քում երեկ շրջանառության մեջ է դրվել «Ընտանիքում բռնության կանխարգել­ման, ընտանիքում բռնության ենթարկ­ված անձանց պաշտպանության և ըն­տանիքում համերաշխության վերականգնման մասին» ՀՀ օրենքում փոփոխություններ և լրա­ցումներ կատարելու մասին ՀՀ աշխա­տանքի և սոցիալա­կան հարցերի նա­խարարության հեղինակած օրենքի նա­խագիծը: 

«Լույս» տեղեկատվական-վերլուծական կենտրոնի ղեկավար Հայկ Այվազյանի փոխանցմամբ՝ նախագ­ծում մտցվում է «զուգընկերներ» հաս­կացությունը:


-Ըստ նախագծի՝ ընտանիքում բռնություն համարվելու է նաև զուգըն­կերների միջև ֆիզիկական, սեռական, հոգեբանական կամ տնտեսական բնույթի բռնի արարքը: Զուգընկերը սահմանվում է որպես միևնույն անձի հետ մտերիմ (այդ թվում՝ ինտիմ) հա­րաբերությունների մեջ գտնվող անձ՝ չնշելով սեռը, այսինքն՝ նաև միասեռական զույգերը: Փաստորեն, միասեռական զույգերի միջև բռնությունը հա­մարվելու է բռնություն ընտանիքում: 

2017 թվականին թեժ պայքար տար­վեց, որ օրենքում սահմանվի կետ, որի համաձայն՝ երեխան առանց ծնողներից որևէ մեկի, ապաստարա­նում գտնվել չի կարող: Այդ կետը այս նոր նախագծից հանվել է: Այսինքն՝ օրենքը համապատասխանեցվում է արևմտյան չափանիշներին, երբ երե­խային կարող են ընտանիքում բռնու­թյան ենթարկվելու ենթադրությամբ օտարել ընտանիքներից»,-գրում է թերթը:

Նյութն ամբողջությամբ կարդացեք թերթի այսօրվա համարում:


Մեկնաբանություններ

Համընկնող լուրեր