20:51 - Շիրակի մարզպետի այսօրվա որոշումը ոչ օբյեկտիվ էր         17:24 - Սուտ հայտարարություններ են արվել, կլինեն իրավական գործընթացներ. Արձագանքում է «Ջերմուկ Գրուպ»-ը      17:03 - Նույն ձեռագիրն է.Բոլորիս են սպանելու՝ մեկ-մեկ, դանդաղ, պատերին կրակոցների հետքերով    

05 դեկ 2019 14:04

Տեսանյութ. Զինվորի մարմինը պետք է հողին չհանձնեն, այլ բերեն հրապարակ, որ բոլորը տեսնեն՝ ինչ է կատարվում

Այս պահին կառավարության շենքի մոտ են հավաքվել զոհված զինծառայողների մայրերը, որոնք պահանջում են օբյեկտիվ քննություն եւ իրականության բացահայտում։
Ծնողներից մեկը հայտարարեց, որ Եթե գործը չի բացահայտվում, ուրեմն զինվորով գումար են աշխատում։Ապա, անդրադառնալով դեկտեմբերի 2-ին մարտական դիրքում Արթուր Աջամյանի սպանությանը՝ հայտարարեցին, որ նրա նրա մարմինը պետք է հողին չհանձնեն, այլ բերեն հրապարակ, այդ ժամանակ բոլորը կտեսնեն ինչ է կատարվում։ «Եթե բոլորն այդպես անեին՝ չէին համարձակվի մի զինվորի վրա ձեռք բարձրացնի։ Դո՞ւ ես պահել, այդ երեխուն դո՞ւ ես կյանք տվել, որ խլում ես այդ կյանքը։ Հանցագործներ են»,- հայտարարեց սեւազգեստ մայրը։
Ծնողները չեն հավատում, մասնավորապես ինքնասպանության վարկածներին։ Զինվորներից մեկը մայրը, ում մահվան դեպքի առթիվ քրեական գործ է հարուցվել ինքնասպանության հասցնելու հատկանիշներով, պնդեց, որ որդին սպանվել է եւ ոչ թե ինքնասպան եղել։
«9 զինվոր են եղել դիրքերում, որից մեկը իմ երեխան է եղել։ Այդ 8 հոգու մեջ չե՞ն կարողանում պարզել, թե ով է եղել։ Իրենց հետ հրամանատար է եղել դիրքերում»,- ասաց սևազգեստ մայրը՝ ընդգծելով, որ առայսօր որևէ մեկը պատասխանատվության չի ենթարկվել։
Նա պահանջում է, որ, եթե ինքնասպանություն է, ապա պարզեն, թե ով է դրդել ինքնասպանության։
«Պահանջում ենք վարչապետի հետ հանդիպում։ Իմ որդու գործը գտնվում է ԱԱԾ-ում»,- ասաց նա։
Նրա խոսքով՝ որդու մարմնի վրա հայտնաբերվել են բռնության հետքեր։
«Սեռական օրգաններին հարվածը եղել է դիմացից՝ բութ առարկայով, հետմահու թևերի քերծվածքը։ Ամբողջովին շորերը քրքրված է եղել։ Ինքնասպան գործած զինվորի զրահաբաճկոնը, թիկունքի մասը քրքրված կլինի՞»,- ասաց նա։
Նրա խոսքով՝ որդուն քարշ են տվել դեպի դիտակետ, գնդացիրը դրել են կզակի տակ և սարքել են ինքնասպանություն։


Մեկնաբանություններ

Համընկնող լուրեր