Արցախի շփման գոտում կրակոցների քանակը նվազել է
Դեկտեմբերի 1-ից 7-ն ընկած ժամանակահատվածում Արցախի շփման գոտում Ադրբեջանի զինուժը հրադադարի պահպանման ռեժիմը խախտել է ավելի քան 130 անգամ` տարբեր տրամաչափի հրաձգային զինատեսակներից հայկական դիրքերի ուղղությամբ արձակելով շուրջ 1000 կրակոց:Նախորդ շաբաթ ադրբեջանական կողմը հրադադարը խախտել էր 220 անգամ՝ արձակելով 3500 կրակոց։
Արցախի պաշտպանության բանակի հաղորդագրության համաձայն՝ ՊԲ առաջապահ զորամասերը հետևում են հրադադարի ռեժիմի պահպանմանը և անհրաժեշտ քայլեր ձեռնարկում մարտական դիրքերի պահպանությունը հուսալիորեն կազմակերպելու համար:
