Ադրբեջանի կողմից` Թուրքիան և Մեծ Բրիտանիան, իսկ հայկական կողմից` Ֆրանսիան և ԱՄՆ–ն կարող են խանգարել Երևանի և Բաքվի միջև փոխզիջման հասնելուն. փորձագետ          Տեսանյութ.6-ամյա տղան ու 13-ամյա աղջիկը հազվադեպ , անբուժելի հիվանդությունների պատճառով իրենց ծնողներից մեծ են երևում       Մենք հակազդման ծրագրեր կձեռնարկենք,Լուկաշենկոն ՆԱՏՕ-ին մեղադրել է Բելառուսի սահմանների մոտ «լկտիաբար» զորքեր տեղակայելու մեջ    

28 դեկ 2019 13:53

Մարդիկ արյան մեջ պառկած օգնություն էին խնդրում. թե ինչ է տեղի ունեցել վթարի պահին.ականատես

Ղազախստանի Ալմաթի քաղաքում կործանված Fokker-100 ինքնաթիռի ուղևորուհի Գուլնարա Կոշենովան Россия-1 հեռուստաալիքի եթերում պատմել է, թե ինչ է տեղի ունեցել օդանավում ավիավթարի պահին:
Ինչպես փոխանցում է РИА Новости-ն, Կոշենովայի խոսքով՝ օդանավը սկսել է ցնցվել թռիչքի մեկնարկից անմիջապես հետո: Շուտով ցնցումներն ուժեղացել են, և ինքնաթիռի սրահում «ամեն ինչ սկսել է թարթել», դարակներից թափվել են ուղեբեռները:
«Ես գլխով կռացա ծնկներիս վրա, երբ այդ ամենն սկսվեց: Երբ բարձրացրի գլուխս, արդեն օդանավի դիմացի հատվածը չկար: Սրահը ներսից կարծես կորացել էր»,- պատմել է ուղևորուհին:
«Ինքնաթիռից դուրս գալու համար ուղևորները կոտրել են վթարային դուռը, իսկ տղամարդիկ սկսեցին օգնել մյուսներին դուրս գալ: Երեխաների շրջանում շատ էին վնասվածք ստացողները: Մարդիկ արյան մեջ պառկած օգնություն էին խնդրում: Ես վախենում էի ձեռք տալ»,- կիսվել է հիշողություններով Գուլնարան:

Վերջինս հավելել է, որ իրենք շատ երկար են շտապ օգնության սպասել: Նրա խոսքով՝ դրսում շատ մութ էր, երբ ուղևորները սկսել են դուրս գալ օդանավից:  
Հիշեցնենք, որ Bek Air ավիաընկերության օդանավն Ալմաթիի օդանավակայանից թռիչքի մեկնարկից կարճ ժամանակ անց կորցրել է բարձրությունն ու կործանվել: Օդանավում 93 ուղևոր և անձնակազմի հինգ անդամ է գտնվել: Վերջին տվյալներով՝ 12 մարդ է զոհվել: Վիրավորներից 10-ի վիճակը ծանր է գնահատվում:

Մեկնաբանություններ

Համընկնող լուրեր