25-ամյա երիտասարդն առևանգել է 24-ամյա աղջկան, ձեռքերով և ոտքերով բազմաթիվ հարվածներ է հասցրել          Հայասատանն ունի՞ տարածքային պահանջներ.ՀՀ պետական զինանշանի վրա Արարատ սարն է, որի նկատմամբ հայերը հավակնություններ ունեն       Ադրբեջանցիների՝ Արցախի որոշ գյուղեր մտնելու, բնակիչների՝ սեփական ուժերով նրանց հակազդելու լուրերը սուտ են. ԱՀ ԱԱԾ    

20 փետ 2020 17:22

Կինը համաձայնել է փոխնակ մայր դառնալ եւ լույս աշխարհ բերել իր թոռնիկին

Սաբրինա անունով 39-ամյա կինը համաձայնել է փոխնակ մայր դառնալ եւ երեխա ունենալ իր անպտուղ դստեր համար:
Ինչպես պատմում է Daily Mail պարբերականը, մանկության տարիներին 21-ամյա Ժասմին Բոուլին անգլիական Նորիջ քաղաքից հիվանդացել էր քաղցկեղի ծանր ձևով` Յուինգի սարկոմայով: Բուժման ընթացքում բժիշկները ստիպված էին հեռացնել 7-ամյա աղջկա ձվարանները եւ ֆալոպյան փողերը, իսկ ճառագայթային թերապիան լուրջ վնաս էր հասցրել նրա արգանդին:
Մեծանալով՝ աղջիկը չէր կորցրել երեխա ունենալու հույսը եւ սկսել էր հորմոնների փոխարինման թերապիա անցնել` արգանդի վերարտադրողական գործառույթները վերականգնելու եւ գոնե արհեստական բեղմնավորման միջոցով հղիանալու հնարավորություն ունենալու համար: Սակայն վերականգնել վնասված հյուսվածքները հնարավոր չէր, ուստի աղջկա վերջին հնարավորությունը փոխնակ մայր գտնելն էր: Ժասմինը որոշել էր հարցը քննարկել իր զուգընկերոջ` 27-ամյա Դանիել Բելի եւ իր մոր` Սաբրինայի հետ: Բոլորի համար անսպասելիորեն Սաբրինան համաձայնել էր հղիանալ եւ ծնել երեխային, որը կբեղմնավորվի Բելի դոնորային սերմնահեղուկի եւ ձվաբջիջի միջոցով: Կինը վստահ է, որ հղիության հետ կապված խնդիրներ իր մոտ չեն առաջանա, քանի որ ինքն արդեն չորս առողջ երեխա է ծնել:
«Ես պատրաստ եմ գնալ դրան` դստերս երազանքն իրականացնելու համար: Ես հպարտ եմ, որ նա քաջությամբ դիմակայել է կյանքի բոլոր փորձություններին, ուստի ես կօգնեմ նրան զգալ մայրության երջանկությունը»,- ասել է Սաբրինան:

Ընտանիքը դրամահավաք է կազմակերպել արհեստական բեղմնավորման համար: Նրանք խոստովանել են, որ երբ երեխան մեծանա, ճշմարտությունը նրանից չեն թաքցնի:


Մեկնաբանություններ

Համընկնող լուրեր