17:02 - Կենտրոնական բանկում դոլարի և եվրոյի փոխարժեքները տատանվում են         16:25 - Կորոնավիրուսով վարակված կնոջ շփման շրջանակը պարզվում է. Քաշաթաղի շրջանի ղեկավարը՝ վարակմած դեպքի մասին      16:04 - Թրամփին դեռևս հունվարին էին գզուշացրել, որ համավարակը կարող է սպառնալ միլիոնավոր ամերիկացիների. The New York Times    

04 մար 2020 13:05

Իշխանությունները չեն ցանկանում զբաղվել թափառող կենդանիների վնասազերծման հարցում բացթողումներով

Երեւանի քաղաքապետարանը, ոստիկանությունն ու կառավարությանը ենթակա սննդամթերքի անվտանգության տեսական մարմինը չեն ցանկանում զբաղվել «Թափառող կենդանիների վնասազերծման կենտրոն» ՀՈԱԿ-ում բացթողումներով: Այս մասին մարտի 4-ին լրագրողների հետ հանդիպման ժամանակ ասաց անասնաբույժ Հրանտ Դավոյանը:
Նրա խոսքով՝ վերջին շրջանում ՀՈԱԿ-ի գործունեության մեջ հետընթաց է նկատվում, եւ պատճառը գլխավոր անասնաբույժի ցածր պրոֆեսիոնալությունն է: «Հիվանդ շները չեն մեկուսացվում, ինչի արդյունքում նկատվում է առողջ կենդանիների շրջանում հիվանդությունների աճ, ապա նրանք բաց են թողնվում քաղաքի այլ վայրերում, եւ վերջին հաշվով դա կարող է հանգեցնել որոշ հիվանդությունների, օրինակ՝ լեյշմանիայի տարածմանը: Բացի այդ, գումար է ծախսվում արդեն ստերիլիզացված շների վրա, ինչը նվազեցնում է ամբողջ ծրագրի իրականացման արդյունավետությունը»,- նշեց նա:
Նա հավելեց, որ տպավորություն է ստեղծվում, որ գլխավոր անասնաբույժի կողմից կլանային պայքար է մղվում Երեւանի քաղաքապետարանի դեմ՝ իրենց մարդկանց ՀՈԱԿ-ում առաջ տանելու համար: «Աշխատակիցները, իրենց հերթին, ասում են, որ եթե գլխավոր անասնաբույժը հեռանա, ապա իրենք էլ կհեռանան»,- եզրափակեց Դավոյանը:
Կենդանասեր Նաթելա Բուդաղյանը, իր հերթին, նշեց, որ ՀՈԱԿ-ի աշխատակիցները հատուկ համազգեստ, դիմակներ եւ ձեռնոցներ չունեն: «Բացի այդ, նրանք անտարբեր վերաբերմունք են ցուցաբերում կենդանիների նկատմամբ: Կարծում եմ՝ ոչ պրոֆեսիոնալիզմ դրսեւորող անձնակազմը պետք է հեռանա»,- ասաց նա:   






Մեկնաբանություններ

Համընկնող լուրեր