Ադրբեջանը հայտնել է ադրբեջանցի սահմանապահի զոհվելու մասին
Ադրբեջանի պետական սահմանապահ ծառայությունը հայտնել է, որ այսօր` ժամը 05:40-ին, Ղազախի շրջանի Դաշ Սալահլը գյուղից ոչ հեռու մարտական հերթապահություն իրականացնելիս հրազենային վիրավորում է ստացել Էլթուն Գարաևը: Նա հոսպիտալացվել է Ղազախի շրջանի ախտորոշիչ կենտրոն, որտեղ էլ մահացել է, գրում է minval.az-ը: Միջադեպի հետ կապված` Ադրբեջանի պետական սահմանապահ ծառայության սահմանապահ զորքերն ու Ռազմական դատախազությունն անհրաժեշտ քննչական միջոցառումներ են անցկացնում:
Այլ մանրամասներ չեն հաղորդվում:
