Ինչպե՞ս է միանգամայն առողջ մարդը հանկարծ սկսել առողջական խնդիրներ ունենալ,կփնտրեմ այս հարցերի պատասխանը
ՀՀ երկրորդ նախագահ Ռոբերտ Քոչարյանի փաստաբան Հայկ Ալումյանը հետաքրքրվել է, թե ինչու է բացարձակապես առողջ մարդը սկսել առողջական խնդիրներ ունենալ: Փաստաբանն այս հարցը բարձրաձայնել է լրագրողների հետ հարցազրույցում:Պատասխանելով Քոչարյանի վիճակի մասին հարցին` փաստաբանը նշել է, որ չի կարող նրա վիճակը նորմալ անվանել` հաշվի առնելով, որ պաշտպանյալը գտնվում է հիվանդանոցում: «Դեռ ստացիոնար բուժման ցուցումներ կան: Էթիկական նկատառումներով մանրամասնել չեմ կարող: Բայց ես շատ լուրջ հարց ունեմ, որի պատասխանը կփորձեմ գտնել. ինչպե՞ս է միանգամայն առողջ մարդը հանկարծ սկսել առողջական խնդիրներ ունենալ: Ես հարցեր ունեմ եւ կփնտրեմ այս հարցերի պատասխանները»,- շեշտել է Հայկ Ալումյանը:
