20:37 - Դրամն սկսեց ամրապնդվել. դոլարի փոխարժեքը նվազել է, եվրոն նույնպես էժանացել է         16:27 - Վարչապետը ծանոթացել է թոքերի արհեստական շնչառության սարքերի վերանորոգման աշխատանքներին      16:08 - Իտալիայում բուժեղբայրը սպանել է ընկերուհուն, ինչից հետո փորձել է ինքնասպան լինել    

20 մար 2020 17:04

Առաջատար վարակաբանը Թրամփին կշտամբել է կորոնավիրուսի դեղամիջոցի մասին ոչ հավաստի տեղեկություն տարածելու համար

Սպիտակ տան` կորոնավիրուսի դեմ պայքարի գծով օպերատիվ խմբի անդամ, առաջատար վարակաբան Էնթոնի Ֆաուչին կշտամբել է ԱՄՆ նախագահ Դոնալդ Թրամփին, երբ վերջինս հայտարարել է, որ կորոնավիրուսի դեմ պայքարում էական դեր կարող է ունենալ մալարիայի դեմ օգտագործվող քլորոխին (C18H26ClN3) դեղամիջոցը, գրում է Daily Mail պարբերականը:

«Կորոնավիրուսի բուժման համար որևէ հրաշք այս պահին չկա»,- նշել է բժիշկը:

Ավելի վաղ նախագահ Թրամփը հայտնել էր լրատվամիջոցներին, որ բժիշկները դրական արդյունքներ են ստացել քլորոխինի՝ COVID-19-ով հիվանդների վրա փորձարկան արդյունքում և նշել են, որ այն կարող է կտրուկ փոխել իրավիճակը:

«Մենք պատրաստվում ենք դեղամիջոցը որքան հնարավոր է շուտ հասանելի դարձնել»,-հայտնել էր նախագահը:

Ֆաուչին CNN-ին հայտնել էր, որ ոչ ապացուցված տեղեկություններ կան այն մասին, թե քլորոխինը աշխատող դեղամիջոց է, սակայն տեղեկությունը պետք է ապացուցվի, որպեսզի մարդիկ անվնաս և արդյունավետ դեղամիջոց ստանան:

Մեկնաբանություններ

Համընկնող լուրեր