20:50 - «Ազատ հայրենիք-ՔՄԴ» կուսակցությունների դաշինքն արձագանքել է Վիտալի Բալասանյանի հայտարարությանը         17:00 - Տեսանյութ.Կապ չունի տանից 100 մետր եք հեռու, թե՝ 5 կմ, կողքի շենքի խանութ,100 հազար դրամով կտուգանվեք      16:32 - Զգուշացնում եմ,չափերը մի անցեք. Վիտալի Բալասանյանն ահազանգում է    

21 մար 2020 17:00

Հանրային տրանսպորտի ոչ մի վարորդ չի՞ թեստավորվել

«Հորդորում ենք, որ նախատեսված նստատեղերից ավելի մարդիկ չլինեն հանրային տրանսպորտում»,- այս մասին այսօր Հայկական միասնական տեղեկատվական կենտրոնում տեղի ունեցած ասուլիսում ասաց Երևանի քաղաքապետի տեղակալ Սերգեյ Հարությունյանն՝ անդրադառնալով քաղաքային տրանսպորտից օգտվելու սահմանափակումներին։
Նա նշեց, տեղյակ է, որ ճանապարհային ոստիկանությունն էլ որոշակի գործողություններ է կատարում. «Դա մեր ձեռքերում է, ոչ մեկը մեզ չի ստիպում, որ տվյալ փոխադրամիջոցի համար նախատեսված տեղերից ավելի բարձրանանք տրանսպորտ: Բարդ շրջան է, բոլորս էլ պետք է համապատասխան քայլերի գնանք, որպեսզի իրար հետ ձեռք-ձեռքի տված պայքարենք այս վիրուսի դեմ»:
Երևանի քաղաքապետարանի պաշտոնյան տեղեկացրեց, որ բարձր ռիսկային տարիքում գտնվող վարորդներին հորդորել են չգնալ աշխատանքի, և նրանք չեն աշխատում: «Իսկ մյուս վարորդները ստուգվում են: Մասնավոր ընկերությունների կողմից ամեն առավոտ իրականացվում են ջերմաչափումներ: Չեմ կարող ասել, թե արդյոք կան դեպքեր, որ հորդորել են վարորդին տուն գնալ:  Բայց կարող եմ ասել, որ վարորդների թեստավորվելու տվյալներ չկան, հաստատ չկան»,-հայտարարեց Սերգեյ Հարությունյանը:
Լրագրողներից մեկը նկատելով, որ ստեղծված պայմաններում հասարակությունը հոսանքի և ջրի կարիք ունի՝ հարցրեց, թե արդյոք հնարավոր չէ պայմանավորվել ՀԷՑ-ի և «Վեոլիա Ջուր» ընկերության հետ, որ պլանային անջատումներ չլինեն:
«Հարգելի ժողովուրդ ջան, պատկերացրեք քաղաքապետարանի աշխատակիցների մի շատ ահռելի զանգված առաջին իսկ օրվանից աշխատում են: Բնական է, որ առաջին օրվանից դիմել եմ ՀԷՑ-ին և «Վեոլիա Ջուր» ընկերությանը, որպեսզի պլանային անջատումներ չլինեն, մատակարարումը լինի անխափան»,- հայտարարեց փոխքաղաքապետը և օգտվելով ընձեռած հնարավորությունից  շնորհակալություն հայտնեց ազգաբնակչությանը՝ զուսպ և հանգիստ լինելու համար, իսկ բուժանձնակազմին ու համայնքապետարանի աշխատակիցներին՝ ամենօրյա աշխատանքի համար:

Մեկնաբանություններ

Համընկնող լուրեր