ՀՀ-ում կորոնավիրուսից մահացած 72-ամյա կնոջը կհուղարկավորեն փակ դագաղով՝ ըստ համաճարակաբանական ցուցումների. ԱՆ
Մարտի 26-ին Հայաստանում կորոնավիրուսից մահացած 72-ամյա կնոջ հուղարկավորությունը կատարվելու է համաճարակաբանական ցուցումներին համապատասխան: Այս մասին Tert.am-ը տեղեկացավ ՀՀ Առողջապահության նախարարության հասարակայնության հետ կապերի բաժնի պետ Լիլիթ Բաբախանյանից:Նա նշեց, որ հուղարկավարությունը պետք է լինի փակ դագաղով, պետք է պահպանվեն արտակարգ դրության սահմանված կանոնները, ինչպես օրինակ՝ հուղարկավորմանը պետք է շատ մարդ չլինի:
Հիշեցնենք, որ մարտի 26-ին, «Նորք» ինֆեկցիոն կլինիկական հիվանդանոցում կորոնավիրուսից 72-ամյա կին է մահացել: Նա ունեցել է կորոնավիրուսային հիվանդություն, ինչպես նաև երկկողմանի թոքաբորբ, պոլիօրգանային անբավարարություն, ռեսպիրատոր դիսթրես համախտանիշ, հիպերտոնիկ հիվանդություն և սրտի ռիթմի խանգարում:
