Սգո սրահնե՞րն են վտանգավոր, թե՞ գազալցակայանները. «Ժամանակ»
«Ժամանակ» թերթը գրում է. «ԲՀԿ խմբակցության չորս պատգամավորներ՝ Արթուր Գրիգորյանը, Արտյոմ Ծառուկյանը, Արթուր Դալլաքյանը, Հրանտ Մադաթյանը հանդես են եկել օրենսդրական նախաձեռնությամբ՝ առաջարկելով լրացում կատարել «Ավտոմոբիլային ճանապարհների մասին» օրենքում և արգելել միջպետական և հանրապետական նշանակության ավտոմոբիլային ճանապարհների երթևեկելի մասի եզրից մինչև 200 մետր հեռավորության վրա գտնվող շենքերում կամ շինություններում սգո սրահների շահագործումը:Այս առաջարկը թերևս կարելի էր լուրջ ընդունել և քննարկել, եթե պատգամավորները հանդես գային անվտանգության և քաղաքաշինական նորմերը խախտող գազալցակայանների գործունեությունը արգելելու առաջարկով: Բայց նրանք նման բան չեն անի, քանի որ դեռ այդպիսի նախաձեռնություն չներկայացրած՝ կզրկվեն պատգամավորական մանդատից: Իսկ համաձայնվեք, որ սգո սրահներն անհամեմատ ավելի անվտանգ են, քան գազալցակայանները»:
Առավել մանրամասն՝ թերթի այսօրվա համարում:
