15:06 - Չհավատալ «չիպավորման» մասին լուրերին,Ես առաջինը դեմ կլինեի, ինձ համար ամենասարսափելի բանն Աստծո հետ կապը կորցնելն է         14:56 - Ինչո՞վ է Վանեցյանը տարբերվում մյուսներից,որ ինչ-որ մի պահ ասոցացվել է մեր հետ, մի պահ եղել է ԱԱԾ տնօրե՞ն, Հայաստանը խաղալիք չի , որ....      14:55 - Աֆրոամերիկացի Ջորջ Ֆլոյդի մահվան գործով ոստիկանին սպառնում է 40 տարվա ազատազրկում    

18 մայիս 2020 10:00

Կա մի քայլ, որ կառավարությունն ուշացումով, բայց անում է

Քաղաքագետ Հայկ Մարտիրոսյանը ֆեյսբուքյան իր էջում գրել է. «Հախուռն, անչափ սխալական, ոչ կոմպետենտ, անբարո, ապիկար իշխանավարման գործողությունների այս շարքում, որն անխուսափելիորեն Հայաստանին դնելու է համաճարակի կառավարման աշխարհի վատթարագույնության չեմպիոնների առաջին հորիզոնականներում, այնուամենայնիվ, մի քայլ կա, որ կառավարությունն ուշացումով, բայց անում է և որը չի կարելի քննադատել և պարսավել: Այլ՝ ընդունել, լսել և հետևել դրան:


Դա դիմակների համատարած կրման պարտադրանքն է:


Չի կարելի քննարկել, հարցականի տակ դնել, հեծանիվ և անիվ հորինել հարցերում, որոնք վաղուց անվիճելի են:


Դիմակները նվազեցնում են վարակի փոխանցման հնարավորությունն առնվազն հինգ անգամ: Եվ այդ հարցում վերլուծություններն ու ընդդիմացողների բողոքները, դա մարդու իրավունքների տիրույթում տեսնողներն ուղղակի հատում են զավեշտի սահմանը: Բայց դա զավեշտալի չէ, որովհետև կյանքերի հարց է: Կյանքեր, որոնք մենք կորցնելու ենք տոկոսային հարաբերակցությամբ, ամենաբարձր թվերով:


Ուրեմն՝ ապիկարության այս հորձանուտում զանազանենք հանցավորատիպ ապակառավարումն ու որոշ ճիշտ, թերևս շատ ճիշտ որոշումները և գոնե դրանց հետևենք:


Դադարենք մտածել միջնադարյան բարբարոսների պես և գոնե այս մի հարցում մեզ խելացի և խելամիտ պահենք:


Դիմակները կյանքեր են փրկում:


Փրկե՛նք այդ կյանքերը»:


Մեկնաբանություններ

Համընկնող լուրեր