Պապարացիները ֆիքսել են Քիմ Քարդաշյանին արտասվելիս՝ Քանյի հետ մեքենայի մեջ
Պապարացիները Քիմ Քարդաշյանին արտասվելիս են նկարել ամուսնու՝ Քանյե Ուեսթի հետ խոսակցության ընթացքում Վոյոմինում նրա ռանչոյի մոտակայքում՝ ավտոմեքենայի մեջ լարված միավորումից հետո։Ամերիկյան Keeping Up With the Kardashians իրապատում շոուի աստղ Քիմ Քարդաշյանն ու ամուսինը՝ ռեփեր, դիզայներ Քանյե Ուեսթը, ընտանեկան ճգնաժամի ֆոնին առաջին անգամ դեմ առ դեմ հանդիպել են՝ քննարկելու կուտակված բոլոր հարցերն ու խնդիրները:
Ինսայդերները հայտնում են, որ զույգի վերամիավորումը շատ հուզառատ է եղել։ Պապարացիներն ամուսիններին նկարահանել են մեքենայի մեջ, Քիմն արտասվել է։
«Քիմը հեկեկում էր։ Նա Քանյեին մի քանի շաբաթ չէր տեսել եւ շատ հուզառատ է վերապրում տեղի ունեցողը։ Քիմը տանջվել է եւ նեղացած է Քանյեից։ Նա փորձել է ամուսնու հետ մի քանի անգամ կապ հաստատել, սակայն վերջինս պարզապես արհամարհում էր նրան»,- հայտնել է աղբյուրը։
Ավելի վաղ Ուեսթը պատմել էր, որ ինքն ու կինը տարիներ առաջ մտադիր էին հեռացնել իրենց առաջնեկին, սակայն Աստծո կողմից նշան ստանալով՝ մտափոխվել են: Բացի այդ, Ուեսթը Քիմին մեղադրել էր Meek Mill ռեփերի հետ իրեն դավաճանելու համար, ինչպես նաև հայտարարել, որ եթե կինը փորձի իրեն փակի տակ պահել, կբացահայտի Քարդաշյանների ընտանեկան գաղտնիքները: Այս սկանդալային գրառումներից հետո Ուեսթը հրապարակավ ներողություն էր խնդրել կնոջից՝ խոստովանելով, որ նրան մեծ ցավ է պատճառել իր վարքով:
Քիմին արտասվելիս լուսանկարել են մի քանի օր անց այն բանից, երբ նա սոցիալական ցանցերում հայտնել է Քանյեի երկբեւեռ խանգարման մասին եւ նրան պաշտպանել հուլիսի 22-ին Twitter-ում տարօրինակ հրապարակումների համար։ Այժմ արդեն ջնջված հրապարակումներից մեկում Քանյեն հայտնել էր, որ Քիմն ու նրա մայրը՝ Քրիս Ջենները, փորձել են բժիշկների հետ իր մոտ գնալ, ինչը հանգեցրել է նրան, որ Քիմն Instagram-ում հրապարակային հայտարարություն է արել։.
