Փոթորիկ Թուրքիայի Անթալիա քաղաքում. Տեսանյութ          Հակառակորդի հենակետերի և շարասյան ոչնչացումը. Տեսանյութ       Տեսանյութ.Թուրքիայի մի ոտքն արդեն Կովկասում է...Իրանից հնչող առաջարկը գուցե դիվանագիտական քայլ է, բայց՝ անիրականանալի    

30 սեպ 2020 16:03

Հակառակորդի մոտ են հայտնվել մեր հայրենակիցների բջջային հեռախոսներ

Արցախի Հանրապետության ազգային անվտանգության ծառայությունն իրազեկում է, որ Ադրբեջանի կողմից սանձազերծված ռազմական գործողությունների ընթացքում հակառակորդի մոտ են հայտնվել մեր հայրենակիցների մոտ առկա մի քանի բջջային հեռախոսներ։

Տեղեկացվում է, որ դրանցում գրանցված կոնտակտային հեռախոսահամարների բաժանորդներին ադրբեջանական հատուկ ծառայությունները զանգեր են իրականացնում և փորձում Արցախում ռազմական գործողությունների վերաբերյալ տարաբնույթ տեղեկություններ ստանալ։

Արցախի ԱՀ–ն նշում է, որ դրանք նպատակ են հետապնդում խուճապային տրամադրություններ առաջացնել հասարակության շրջանում:

ԱՀ ազգային անվտանգության ծառայությունը կոչ է անում` հեռախոսակապ չհաստատել, տվյալներ չփոխանցել, չպատասխանել կասկածելի հեռախոսազանգերի: Նման իրավիճակում հայտնվելու դեպքում անհապաղ տեղեկացնել ԱՀ ազգային անվտանգության ծառայությանը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Մեկնաբանություններ

Համընկնող լուրեր