Կան շատ հուշագրեր, որոնցով Փաշինյանը տարածքներ է հանձնելու, պարզապես չի կարող միանգամից, ներքին ընդվզման լուրջ ալիք կբարձրանա          Իրանը նախազգուշացրել է Իսրայելին՝ վճռական պատասխան կտա ցանկացած սպառնալիքի, զերծ մնալ որևէ սխալ քայլ կատարելուց և հնարավոր ռազմական արկածախնդրությունից       Բերձորի տարածքում ակտիվացումը պատահական չէ՝ հաշվի առնելով, որ պատերազմից հետո Բերձորի միջանցքը Հայաստանն ու Արցախը կապող միակ կենսական ուղին է    

18 մար 2021 12:42

ԱՄՆ-ից ներողություն են սպասում՝ Պուտինին «մարդասպան» անվանելու համար

Ռուսաստանի Դաշնության Խորհրդի փոխխոսնակ Կոնստանտին Կոսաչովը կարծում է, որ Ռուսաստանի Դաշնության դեսպան Անատոլի Անտոնովին ԱՄՆ-ից Մոսկվա խորհրդակցությունների համար կանչելը վերջին քայլը չի լինի, եթե չհաջորդեն Վաշինգտոնի բացատրություններն ու ներողությունները: Այս մասին, Gazeta-ի հաղորդմամբ, նա գրել է իր ֆեյսբուքյան էջում:
Կոսաչովը նշել է, որ պետության ղեկավարի՝ Ջո Բայդենի, կողմից անընդունելի են նման արտահայտությունները, դրանք սրել են ԱՄՆ-ի ու Ռուսաստանի երկկողմ հարաբերությունները:


Միևնույն ժամանակ, նա ավելացրեց, որ Ռուսաստանի դեսպանի հետկանչը «նման իրավիճակում արագ, համարժեք և միակ ճիշտ արձագանքն է»:


Ավելի վաղ հայտնի էր դարձել, որ Վաշինգտոնում Ռուսաստանի դեսպան Անատոլի Անտոնովը մարտի 20-ին կմեկնի Մոսկվա՝ խորհրդակցության: Ռուսաստանի արտգործնախարարությունում կայացած հանդիպման ընթացքում նրանք կքննարկեն «ճգնաժամի մեջ գտնվող ռուս-ամերիկյան կապերը շտկելու ուղիները»:


Մարտի 17-ին ABC News-ին տված հարցազրույցում ԱՄՆ նախագահ Ջո Բայդենը հայտարարել էր, որ Ռուսաստանի նախագահ Վլադիմիր Պուտինը «կվճարի» 2020 թվականին ԱՄՆ-ի ընտրություններին միջամտելու համար։ ABC News-ի հաղորդավարի հարցին, թե արդյոք Բայդենը կարծում է, որ Պուտինը «մարդասպան է», Բայդենն ասել է «այո»՝ առանց հավելյալ մեկնաբանությունների։


Նշվում է, որ ԱՄՆ հետախուզությունը վերջերս հրապարակել է զեկույց, որում ասվում է,որ Պուտինը համակարգել է Ջո Բայդենի թեկնածության սևացմանն ուղղված մասշտաբային ջանքերը: Ռուսաստանի հետախուզական ծառայությունը Թրամփին մոտ կանգնած գործակալների միջոցով սխալ տեղեկություններ էր տարածել Բայդենի դիրքերը թուլացնելու համար:
Հիշեցնենք՝ ԱՄՆ-ում Ռուսաստանի դեսպան Անատոլի Անտոնովը մարտի 20-ին թռչելու է Մոսկվա՝ երկկողմ հարաբերությունների վերաբերյալ խորհրդակցություններ անցկացնելու համար: Այս մասին, Tass-ի հաղորդմամբ, ասվում է Վաշինգտոնում Ռուսաստանի դեսպանատան կողմից հրապարակված հայտարարության մեջ:

«ԱՄՆ-ում Ռուսաստանի դեսպան Ա.Ի.Անտոնովը մարտի 20-ին թռչելու է Մոսկվա ՝ խորհրդակցությունների համար: ՌԴ ԱԳՆ-ում և այլ գերատեսչություններում հանդիպումների ժամանակ նախատեսվում է քննարկել ճգնաժամային ռուս-ամերիկյան կապերը շտկելու ուղիները»,- ասել է դիվանագիտական առաքելությունը:


Միացյալ Նահանգների և Ռուսաստանի միջև հարաբերությունների ճգնաժամը Վաշինգտոնի նպատակաուղղված և կանխամտածված քաղաքականության արդյունք էր, ընդգծել են Ռուսաստանի դեսպանությունում:


«Ստեղծված իրավիճակը Վաշինգտոնի նպատակային քաղաքականության արդյունք է, որը վերջին տարիներին, ըստ էության, միտումնավոր փակուղի մտցրեց երկկողմ փոխգործակցությունը: Վարչակազմի ոչ կառուցողական կուրսը մեր երկրի նկատմամբ չի բխում Ռուսաստանի և ԱՄՆ-ի շահերից, և ամերիկյան առաջնորդների որոշ չմտածված հայտարարությունները վտանգում են առանց այդ էլ չափազանց կոնֆրոնտացիոն հարաբերությունները», - նշել է դիվանագիտական առաքելությունը:


Դեսպանության հայտարարության համաձայն, ռուսական կողմը կողմ է երկխոսություն հաստատել Մոսկվայի և Վաշինգտոնի միջև և ելնում է նրանից, որ լավ և պրագմատիկ կապերը բխում են երկու ժողովուրդների շահերից:


«Մենք կողմ ենք երկխոսություն հաստատել ՄԱԿ-ի Անվտանգության խորհրդի երկու մշտական անդամների միջև, որոնք հատուկ պատասխանատվություն են կրում միջազգային խաղաղության և անվտանգության համար», - ասվում է հայտարարությունում։


Հիշեցնենք, որ նախօրեին ԱՄՆ նախագահ Ջո Բայդենը հայտարարել էր, որ Ռուսաստանի նախագահ Վլադիմիր Պուտինը «կվճարի» 2020 թվականին ԱՄՆ-ի ընտրություններին միջամտելու համար։ ABC News-ի հաղորդավարի հարցին, թե արդյոք Բայդենը կարծում է, որ Պուտինը «մարդասպան է», Բայդենն ասել է «այո»՝ առանց հավելյալ մեկնաբանությունների։


Նշվում է, որ ԱՄՆ հետախուզությունը վերջերս հրապարակել է զեկույց, որում ասվում է,որ Պուտինը համակարգել է Ջո Բայդենի թեկնածության սևացմանն ուղղված մասշտաբային ջանքերը: Ռուսաստանի հետախուզական ծառայությունը Թրամփին մոտ կանգնած գործակալների միջոցով սխալ տեղեկություններ էր տարածել Բայդենի դիրքերը թուլացնելու համար:



Մեկնաբանություններ

Համընկնող լուրեր