Շուռնուխ, Որոտան և Խնձորեսկ գյուղերը եղել են հայկական, սակայն չկար մարդ, որ այդ փաստերը կներկայացներ և բանակցություններ կվարեր, թշնամին էլ օգտվել է այդ առիթից և իր GPS-ով սահմանն է գծել
Խնձորեսկ գյուղն այսօր ունի սահմանամեձ գյուղի կարգավիճակ, բայց օրինակ Վերիշեն և Ակներ գյուղերը չունեն այդ կարգավիճակը, ինչը համարում եմ սխալ, որովհետև այդ գյուղերը փաստացի սահմանամերձ են:Այս մասին «Վերածնվող Հայաստան» կուսակցության վարչության մամուլի ասուլիսի ժամանակ ասաց Գորիսի քաղաքապետ Առուշ Առուշանյանը:Առուշանյանն ընգծեց, որ կան բազմաթիվ փաստեր, որ Շուռնուխ, Որոտան և Ներքին Խնձորեսկ գյուղերը եղել են հայկական, սակայն չկար մարդ, որ այդ փաստերը կներկայացներ և բանակցություններ կվարեր, իսկ թշնամի օգտվել է այդ առիթից և իր GPS-ով սահմանն է գծել.
«Եթե ունենայինք ադեկվատ մարդիկ, ովքեր մտահոգ են մեր երկրով, այդ խնդիրների մասին բարձրաձայնելով կհասնեյինք հաջողության»,-վստահեցրեց համայնքապետը:
Տաթև համայնքի ղեկավար Մուրադ Սիմոնյանը նշեց, որ դեռևս ԽՍՀՄ շրջանում Խոտ և Շինուհայր գյուղերը ընգրկված են եղել սահմանամերձ գյուղերի ցանկում, իսկ այսօր միայն Խոտն ունի սահմանամերձ գյուղի կարգավիճակ.
«Շինուհայրը, ճիշտ է, աանմիջապես սահմանամերձ չէ, սակայն հատվում է Խոտ գյուղին: Ճանապարհի վերևում գյուղացին այգին է մշակում, իսկ ճանապարհին անմիջապես կպած ադրբեջանցին է»-ասաց Մուրադ Սիմոնյանը:
