Ադրբեջանը Նախիջևանում մարտավարական զորավարժություններ է անցկացրել՝ ինչպես են պետական սահմանի խախտումները կանխում
![](https://www.7or.am/images/news/big/2021/03/1617092598_nah1.thumb.jpg)
Ադրբեջանի ՊՆ-ի տեղեկացմամբ, զորավարժությունների սցենարի համաձայն՝ պայմանական սահմանախախտները փորձում են ապօրինի հատել պետական սահմանը և մուտք գործել Նախիջևանի Ինքնավար Հանրապետության տարածք: Պետական սահմանի խախտման դեպքի հայտնաբերման ժամանակ, սահմանի պաշտպանության ուժեղացման հետ մեկտեղ, այդ մասին տեղեկացվում են մասնագիտական գերատեսչությունների համապատասխան ստորաբաժանումները: Սահմանային պարեկությունից ստացված ազդանշանով անձնակազմը «ի զեն» հրամանով բարձրանում է, դեպքի վայր են տեղափոխվում «Տագնապային խմբի» սահմանապահ պարեկները:
Հաջող որոնողական գործողությունների արդյունքում անօդաչու թռչող սարքերով հայտնաբերված ներխուժողները շրջապատվում են տարբեր ուղղություններից և բերման են ենթարկվում: