Տեսանյութ.Ադրբեջանցիների փակ ծրարը հանձնել եմ Փաշինյանին. Արթուր Վանեցյանը՝ 5 մլրդ դոլար գործարքի մասին          Ինչու ՀՀ գլխավոր դատախազը Ադրբեջանի գործողություններին հակակշիռ ոչինչ չի անում. «Ժողովուրդ»       Չարչյանն ընդունել է ձերբակալման օրը գործընկերների հետ ունեցած զրույցի փաստը. Աբրահամյան    

10 ապր 2021 15:38

Մեղրիում ադրբեջանցիներ չկան, չեմ կարող ասել, թե այս անգամ ինչ զիջումների կգնան մեր իշխանությունները.Մեղրիի քաղաքապետ

Մեղրիում այս պահին որեւէ մասնագետներ չեն եկել եւ չափագրումներ չեն արվում այս պահին: Այս մասին NEWS.am-ի հետ զրույցում ասաց Մեղրիի քաղաքապետ Մխիթար Զաքարյանը` արձագանքելով մամուլում տարածված այն տեղեկատվությանը, որ գերներալ Մուրադովի հետ մասնագետներ են եկել Զանգեզուրով տրամադրվելիք ճանապարհի հետ կապված չափումներ անելու:


«99 տոկոս հավանականությամբ նման բան չկա, եթե լիներ մենք կտեսնեինք: Եթե լինի կոմունիկացիաների բացման հարց, լավ կլինի, որ բոլոր ընթացակարգերը պահպանելով առաջ շարժվեն: Բայց էդպես թաքուն, անհասկանալի, արդեն մտավախություններ են առաջանում, պրոցեսի ոչ հրապարակային լինելն է մտավախություն առաջացնում»,-ասաց նա:


Զաքարյանի խոսքով` Մեղրի հարցը Հայաստանի անկախության եւ լինելիության հարցն է:


«Եթե խոսքը վերաբերում է կոմունիկացիների բացմանը` Նախիջեւան- Ադրբեջան իրար հետ կապելու համար, օգտվել Հայաստանի տրանզիտային հնարավորություններից, դա կարելի  է քննարկել մասնագետների հետ, բայց եթե պետք է քննարկել առանց մեր պետության ընթացակարգերը պահպանելու,ինչ-որ մի շարժ լինի, դա իմ կարծիքով մեր անկախության կորուստն է: Եթե այդպես է, ինչու մենք Իրանին չենք թողնում մեր պետության տարածքով գնալ Վրաստան եւ այլն, ինչ տարբերություն:  Հիմա ինչ էլ խոսենք, ենթադրություններով ենք խոսելու, քանի որ դեռ հստակ ոչ մի բան չկա»,-ասաց նա:


Անդրադառնալով այն հարցին, թե ի վերջո ճանապարհ, թե միջանցք է տրամադրվելու, Մեղրիի քաղաքապետն ասաց, որ մինչ այժմ ավելի շուտ թշնամու հայտարարություններն են իրականություն դառնում եւ չի կարող ասել, թե այս անգամ ինչ զիջումների կգնան մեր իշխանությունները:


Մեկնաբանություններ

Համընկնող լուրեր