Տեսանյութ.Եթե սահմանազատման գործընթաց չսկսենք...Բայց դե հիմա դա այն երևույթները չեն, որ մենք դրանով պատերազմ սկսենք,
Բա եթե սահմանազատման գործընթաց չսկսենք, եւ ես չգիտեմ, թե Ադրբեջանի հետ հարաբերությունները երբ կկարգավորվեն, հո ամեն անգամ նման միջադեպերի դեպքում պատերազմ չե՞նք սկսելու: Այս մասին լրագրողների հետ զրույցում նշել է ԱԺ «Իմ քայլը» խմբակցության պատգամավոր Հովիկ Աղազարյանը:«Պետք է սահմանազատումը տեղի ունենա, որ Պուտինի համար, Լուկաշենկոյի համար, ՀԱՊԿ-ի մյուս երկրների համար հստակ կլինի, թե Հայաստանի մասով ՀԱՊԿ-ի սահմանը որտեղով է անցնում: Եթե վաղը ինչ-ինչ պատճառներով ՀԱՊԿ-ը չգտնի, որ սա ՀԱՊԿ-ի սահմանային խնդիրն է, մենք պետք է ուժի միջոցով մեր հարցերը լուծենք: Այսինքն երբ տեսնենք, որ ՀԱՊԿ-ի տեսակետը մեր շահերի հետ չի համընկնում, մեր իշխանությունը կդիմի ինքնուրույն քայլերի»,-ասաց նա:
Հարցին, թե ի՞նչ պետք է անեն սահմանամերձ տարածքների քաղաքացիները, երբ ադրբեջանցիները, որոնք գողանում են հայերի անասունները, մի օր էլ կարող են օրինակ երեխաներին առևանգել, Աղազարյանը պատասխանեց. «Չեմ կարծում, որ այդ անհանգստությունները տեղին են: Հա, կարող ա պատահի ասենք անասուններն իրենց արոտ անելիս, ադրբեջանցիները մոտենան սահմանային կետերին ու անշնորհքավարի իրենց թույլ տան ինչ-որ քայլեր կատարել: Ես չեմ բացառում, որ կարող ա պատահի մեր կողմից էլ նմանատիպ բաներ տեղի ունենան: Բայց դե հիմա դա այն երևույթները չեն, որ մենք դրանով պատերազմ սկսենք»:
