Բեմն ինձ տվեց քեզ,շնորհակալ եմ երկնքին, որ մտար իմ կյանք.Պուգաչովայի խոստովանությունը Գալկինի 45-ամյակի առթիվ
Ռուս երգչուհի Ալլա Պուգաչովան հուզիչ շնորհավորանք է հղել ամուսնուն՝ Մաքսիմ Գալկինին ծննդյան օրվա առթիվ: Հունիսի 18-ին հեռուստահաղորդավարը դարձել է 45 տարեկան: Միջոցառմանը հավաքվել են շոու բիզնեսի տասնյակ ներկայացուցիչներ, իսկ միջոցառման տեսանյութն իր ինստագրամյան պաշտոնական էջում հրապարակել է պրոդյուսեր Իոսիֆ Պրիգոժինը, գրում է lenta.ru-ն:«Ամեն օր ես շնորհակալություն եմ հայտնում երկնքին, իսկ դուք գիտեք իմ կապը նրա հետ, որ դու մտել ես իմ կյանք: Ես անընդհատ բեմում էի և մտածում էի, որ նա ինձ կկապի ինչ-որ մեկի հետ, և բեմն ինձ տվեց քեզ»,- նման արտահայտությամբ է դիմել Պրիմադոննան իր ամուսնուն:
Պուգաչովան հավելել է, որ Գալկինի բախտը բերել է, քանի որ նա միշտ երիտասարդ ամուսին կլինի նրա համար, իսկ տարիքային տարբերությունը երգչուհուն ուրախացնում է: Նա հիշել է, թե ինչպես է ինքը մի ժամանակ երգել «Ես չեմ բաժանվի կոմսոմոլից, կլինեմ միշտ երիտասարդ»:
Ժողովրդական արտիստը երջանկություն է մաղթել ամուսնուն, և այս խոսքերից հետո Գալկինը գրկել է նրան և հրավիրել է հյուրերին խմել նախ իր, իսկ հետո`իր սիրելի կնոջ կենացը:
Ծննդյան 45-ամյակի կապակցությամբ հոբելյարին շնորհավորել են նաև Մաքսիմ Գալկինի և Ալլա Պուգաչովայի երեխաները՝ Ելիզավետան և Գարրին: Հոր ծննդյան օրը նրանք ռեփ են կարդացել: Նրանք երգել են, որ Գալկինը «արժանի, խելացի և օրինակելի մարդ է»:
