Հայաստանի կողմից յուրաքանչյուր դրական քայլ ադեկվատ արձագանք կստանա մեր կողմից. Բայրամով          Բացառիկ տեսանյութ. պատգամավոր Թագուհի Թովմասյանն իր հարսանիքի ժամանակ երգել է Հայկոյի հետ       Ֆրանսիայում ձերբակալվել է հանցավոր խումբ, որոնք նրանք կապ են ունեցել «հայկական և վրացական» հանցավոր խմբավորումների հետ    

12 հուլ 2021 13:17

Նոր մանրամասներ՝ «Անի» հյուրանոցի մոտ, 23-ամյա տղային սպանելու, 21-ամյա տղային ծանր մարմնական վնասվածք պատճառելու գործով. հայտնի է կասկածյալի ինքնությունը

SHAMSHYAN.com-ի տեղեկություններով՝ ՀՀ ոստիկանության քրեական ոստիկանության գլխավոր վարչության, ոստիկանության Երևան քաղաքի վարչության քրեական հետախուզության բաժնի, ոստիկանության կենտրոնական բաժնի քրեական հետախուզության բաժանմունքի և Հայաստանի քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական բաժնի քննիչները, որոնց հետ համագործակցել են նաև ՀՀ Ազգային անվտանգության ծառայության աշխատակիցները, իրականացնելով հսկայածավալ ու պրոֆեսիոնալ, օպերատիվ-հետախուզական միջոցառումներ, պարզել են հուլիսի 10-ին Երևանում՝ «Անի» հյուրանոցային համալիրի մոտ, տեղի ունեցած սպանության և սպանության փորձ կատարող ենթադրյալ կասկածյալի ինքնությունը։
Ինչպես հայտնում է ֆոտոլրագրող Գագիկ Շամշյանը, նշված հանցագործությունը կատարելու կասկածանքով որոնվում է Ուկրաինայի Հանրապետության քաղաքացի՝ 40-ամյա Դմիտրյուկ Ա-ն։ Նա եղել է BMW X7 մակնիշի ռուսական համարանիշներով ավտոմեքենայով, ով հանցագործությունը կատարեուց հետո դիմել է փախուստի։

Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ կասկածյալ Դմիտրյուկ Ա-ին և հանցագործության գործիք դանակը հայտնաբերելու ուղղությամբ։ Ավելի վաղ հայտնել էինք, որ հուլիսի 10-ին սպանություն և սպանության փորձ էր տեղի ունեցել Երևանի կենտրոնում։ 
 Ժամը 02։00-ի սահմաններում Երևանի 1-03 շտապօգնության բժիշկների «06» խմբից ահազանգ էր ստացվել ոստիկանության կենտրոնական բաժին, որ դանակահարված վիճակում թիվ 1 համալսարանական հիվանդանոց են տեղափոխել 2 քաղաքացու։ Ինչպես հայտնել էր ֆոտոլրագրողը, հիվանդանոց էին մեկնել ոստիկանության կենտրոնական բաժնի օպերատիվ խումբը՝ բաժնի պետ Արման Պապյանի գլխավորությամբ։ Ժամանել էին նաև Հայաստանի քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական խումբը՝ բաժնի պետ Սիմոն Հարությունյանի և հատկապես կարևոր գործերով ավագ քննիչ Մարգարյանի գլխավորությամբ։
Հիվանդանոցում բժիշկները ոստիկաններին և քննիչներին հայտնել էին, որ վիրավորներն ի վիճակի չեն կատարվածի մասին բացատրություն տալ, իսկ կարճ ժամանակ անց թիվ 1 համալսարանական հիվանդանոցից ահազանգ էր ստացվել, որ վիրավորներից մեկը, գիտակցության չգալով, մահացել է։

Ոստիկաններն ու քննիչները պարզել էին՝ հիվանդանոց տեղափոխվածներն էին Երևանի բնակիչ՝ 23-ամյա Արեգ Խալաթյանը, ով նշված կենտրոն էր տեղափոխվել «ստորին սիներակի լայնակի պատռվածք, հաստ աղիքի վնասում, բարակ աղիների վնասում, հեմատոմա և հեմոռագիկ շոկ» ախտորոշմամբ, ով մահացել էր, իսկ վիրավորը Արցախի Հանրապետության բնակիչ՝ 21-ամյա Արման Պողոսյանն էր։
Վերջինս հիվանդանոց էր տեղափոխվել «ներքին կրծքային զարկերակի վնասում, թոքի վնասում» ախտորոշմամբ և գտնվում էր ծայրահեղ ծանր վիճակում։ Ոստիկաններն ու քննիչները պարզել էին նաև, որ նույն օրը, ժամը 01։00-ի սահմաններում Սայաթ-Նովա պողոտա 19 հասցեում գտնվող «Անի» հյուրանոցային համալիրի մոտ վիճաբանություն էր տեղի ունեցել նշված անձանց և դեռև չպարզված անհայտ անձի միջև, ով սուր կտրող-ծակող առարկայով հարվածներ էր հասցրել նշված անձանց։   

Մեկնաբանություններ

Համընկնող լուրեր