Կարո՞ղ է արդյոք գրիպի դեմ պատվաստումն օգնել COVID-19-ի դեմ          Անընդունելի է երկրների կողմից ահաբեկչական կազմավորումների օգտագործումը ռազմաքաղաքական նպատակներով. Փաշինյան       «Հայկական ժամանակ» օրաթերթն այլևս չի տպագրվում. «Հրապարակ»    

14 սեպ 2021 14:38

Չինաստանը կոչ է արել մանրակրկիտ ստուգել Աֆղանստանում խաղաղ բնակիչների մահը ամերիկյան բանակի գործողությունների պատճառով

Չինաստանը կոչ է արել մանրակրկիտ ստուգել Աֆղանստանում խաղաղ բնակիչների մահը ամերիկյան բանակի գործողությունների պատճառով: Համապատասխան հայտարարությամբ հանդես է եկել Չինաստանի Ժողովրդական Հանրապետության արտաքին գործերի նախարարության պաշտոնական ներկայացուցիչ Չժաո Լիցզյանը: Այս մասին գրում է «ՌԻԱ ՆՈՎՈՍՏԻ»գործակալությունը։


Նրա խոսքով՝ այս իրավիճակում ԱՄՆ-ն  չպետք է փորձի «ջրից չոր դուրս գալ» և խուսափել պատասխանատվությունից՝ հաշվի չառնելով որևէ մեկին:


«Անհրաժեշտ է մանրակրկիտ ստուգում անցկացնել, իսկ ԱՄՆ -ը պետք է զեկույց տրամադրի աֆղան ժողովրդին և ամբողջ համաշխարհային հանրությանը», - ասել է Չժաո Լիցզյանը։


Մեքենայի ոչնչացումը տեղի է ունեցել Աֆղանստանից ամերիկյան զորքերի դուրսբերումից կարճ ժամանակ առաջ: Հարվածն իրականացվել է անօդաչու թռչող սարքից: Պենտագոնի տվյալներով՝ մեքենայում եղել են պայթուցիկ նյութեր և մի խումբ մահապարտներ, ովքեր պատրաստվում էին գրոհել Քաբուլի օդանավակայանը: ԶԼՄ -ները գրել են խաղաղ բնակիչների մահվան մասին:


ԱՄՆ-ն Իսլամական պետության «Վիլայաթ Խորասան»  խմբավորմանը մեղադրել է ահաբեկչության մեջ։


Մեկնաբանություններ

Համընկնող լուրեր