Տղամարդը մահացել է 10 րոպեում մեկուկես լիտր «Կոկա-Կոլա» խմելուց հետո
Չինաստանում 22-ամյա երիտասարդը 10 րոպեում մեկուկես լիտր «Կոկա-Կոլա» է խմել: Մեկ օր անց նա մահացել է:Ինչպես նշում է The Daily Mail-ը, տղամարդը, ում անանը չի հաղորդվում, հիվանդանոց էր դիմել շոգին հովոնալու համար շատ գազավորված ըմպելիք խմելուց 6 ժամ անց: Նա գանգատվում էր ուժեղ ցավից եւ ուռած ստամոքսից:
Բժիշկները տղամարդու մոտ պնեւմատոզ էին ախտորոշել՝ աղիքային պատի օդային կիստաների ձեւավորում, եւ լյարդի խոցում, որն առաջացել էր արյան կամ թթվածնի անբավարար մատակարարումից: Բժիշկները հիվանդին անհրաժեշտ օգնություն էին ցուցաբերել, սակայն 12 ժամ անց նրա վիճակը վատթարացել էր, իսկ անալիզները ցույց էին տվել, որ լյարդը լուրջ վնասված է: Տղամարդը 6 ժամ անց մահացել էր:
Բժիշկների խոսքով՝ քանի որ չինացին կոլան արագ էր խմել, նրա օրգանիզմում չափազանց շատ ածխաթթու գազ էր կուտակվել, ինչը լյարդի թթվածնային սով էր առաջացրել եւ հանգեցրել էր մահվան: Նրանք հավելել են, որ աղիքներից գազն արտահոսել է դռերակ՝ լյարդի հիմնական արյան անոթներից մեկը:
Լոնդոնի համալսարանական քոլեջի կենսաքիմիկոս Նաթան Դեւիսը կասկածում է չինացի բժիշկների եզրակացություններում եւ ասում է, որ գազավորված ըմպելիքից մահանալու հավանականությունը չնչին է: Նրա կարծիքով՝ մահվան պատճառը կարող էր լինել բակտերիալ վարակը՝ օրգանիզմի ներսում գազերի կուտակման հայտնի պատճառը, այլ ոչ թե՝ գազավորված ըմպելիքը:
