Հետաքրքիր իրադարձություններ են ծավալվում մեր շուրջբոլորը, որոնք էապես կարող են փոխել տարածաշրջանային իրավիճակը          Ամերիկացի գիտնականներն առաջին անգամ մարդուն խոզի երկու երիկամ են փոխպատվաստել       Հակաբիոտիկները հարցի լուծում չեն.Բժիշկ Մյասնիկովն ասել է` ինչպես կարելի է տնային պայմաններում բուժել «Օմիկրոնը»    

14 հոկ 2021 16:15

Վերջերս կրկին ունեցել ենք կովիդից հղի կնոջ մահվան դեպք, նաև ներարգանդային մահ է գրանցվել. Գեորգի Օկոև

«Ոսկրածուծի փոխպատվաստում ստացած կամ ծանր վիրահատության պատրաստվող և բջջային թերապիա ստացող հիվանդներին խորհուրդ է տրվում որոշ ժամանակով հետաձգել պատվաստումը»,-հրավիրված մամուլի ասուլիսում հայտնեց ՀՀ առողջապահության նախարարության ուռուցքաբանության գծով խորհրդատու Հայկուհի Գյոկչյանը և հավելեց, որ ուռուցքային հիվանդությամբ տառապող բոլոր մյուս հիվանդներին ցուցված է կորոնավիրուսի դեմ պատվաստվելը:


Մոր և մանկան առողջության պահպանման գիտահետազոտական կենտրոնի տնօրեն, պրոֆեսոր Գեորգի Օկոևն էլ հայտնեց, որ Դանիայի բնակչության 85 %-ը պատվաստված է և այնտեղ հանված են բոլոր սահմանափակումները:


Նրա խոսքով՝ 70 տարեկանից բարձր դանիացիների 97%-ը պատվաստված է, բուժաշխատողների՝ 99%-ը և արդեն մի քանի օր է այնտեղ չի արձանագրվել վարակման որևէ դեպք, իսկ հիվանդանոցներում գտնվում են ընդամենը 11 հոգի:


Գեորգի Օկոևը հայտնեց, որ Մեծ Բրիտանիայում հղիներին պատվաստում են՝ անկախ հղիության ժամկետից և նշեց, որ այնտեղ «Սպուտնիկ V» չկա և նրանք ակտիվ պատվաստում են «Մոդեռնա», «Աստրա Զենեկա» և «Պֆայզեր» պատվաստանյութերով:


Պրոֆեսորը տեղեկացրեց, որ կրծքով կերակրող մայրեն էլ կարող են պատվաստվել, բայց՝ բժշկի ցուցումով:


Նրա խոսքով՝ պատվաստանյութի երկու դեղաչափն ընդունելուց և դրա ազդեցության համար նախատեսված ժամկետը լրանալուց հետո նոր ցանկացողները կարող են հղիանալ:


«Մենք վերջերս ունեցել ենք դեպք, երբ հղի կինն է մահացել, մեկ այլ դեպքով էլ ներարգանդային մահ է գրանցվել՝ ընկերքի ծայրահեղ բարդ տրոմբոցիտային փոփոխության պատճառով, դրա համար պատվաստվելն անհրաժեշտ է»,- հայտնեց Մոր և մանկան առողջության պահպանման գիտահետազոտական կենտրոնի տնօրենը և բոլորին հորդորեց պատվաստվել:


Մեկնաբանություններ

Համընկնող լուրեր