Տեսանյութ. Ականատես ենք լինում ամենատարբեր գույնի բերետների գործունեությանը, զանգվածաբար տուգանքների քաղաքականություն է տարվում
ԱԺ Պաշտպանության և անվտանգության, ինչպես նաև Ֆինանսավարկային և բյուջետային հարցերի մշտական հանձնաժողովների համատեղ նիստում, 2022 թ. բյուջեի նախագծի քննարկման ժամանակ, «Հայաստան» խմբակցության քարտուղար Արծվիկ Մինասյանը ՀՀ փոխոստիկանապետ Արա Ֆիդանյանից հետաքրքրվեց․ «Մենք ականատես ենք լինում ամենատարբեր գույնի բերետների գործունեությանը Հայաստանում, ի վերջո, քանի՞ ծառայություն ունի ոստիկանությունն իր ներսում , հատկապես այն ծառայությունները, որ աչքի են ընկնում առավել դաժան վերաբերմունքով , այդ մասով քանի՞ ծառայողական քննություն են իրականացվել, պատժվե՞լ են արդյոք այդ մարդիկ»,-հետաքրքրվեց Արծվիկ Մինասյանը։
Շարունակելով խոսքը պատգամավորը նշեց․
«Ոստիկանությունը փոխել է իր մոտեցումը և զանգվածաբար տուգանքների քաղաքականություն է տանում՝ ծանրաբեռնելով թե՛ իր աշխատանքը, թե՛ նաև քաղաքացիներին դնելով ծանր վիճակում։ Եթե մանկահասակ երեխաների աչքի առջև հոր նկատմամբ նման վերաբերմունք է ցուցաբերվում , եթե դա դաժանություն չէ, բա դա ի՞նչ է , երբ քաղաքացուն փռում են ասֆալտին, եթե դաժանություն չէ, բա ի՞նչ է»,-ասաց Արծվիկ Մինասյանը;
Մանրամանսերը՝ տեսանյութում։
