Փաստորեն ԱՄՆ դեսպանատնից եղել է զգուշացում իրենց քաղաքացիներին՝ խուսափել մեկնելՀայաստան
Ռազմական փորձագետ Կարեն Վրթանեսյանն ֆեյսբուքյան իր էջում հայտնել է, որ ԱՄՆ դեսպանատնից եղել է զգուշացում՝ խուսափել Քարահունջ–Դավիթ-Բեկ, Կապան–Ճակատեն հատվածից։«Փաստորեն ԱՄՆ դեսպանատնից այնուամենայնիվ եղել է զգուշացում իրենց քաղաքացիներին, որն ուղարկվել է էլ փոստով նոյեմբերի 18-ին՝ Քարահունջ–Դավիթ-Բեկ և Կապան – Ճակատեն ճանապարհահատվածներից խուսափելու մասին»։
Ներկայացնում ենք ԱՄՆ դեսպանության նամակից մեջբերումը, որն ուղարկել են իրենց քաղաքացիներին.
«Հաղորդագրություններ են ստացվում Մ2 և Մ17 մայրուղիների ադրբեջանական մաքսային անցակետերում հսկողության ուժեղացման մասին: Երևանում ԱՄՆ դեսպանատունը ԱՄՆ քաղաքացիներին տեղեկացնում է, որ դեսպանատան աշխատակիցներին և նրանց ընտանիքներին այժմ արգելված է որևէ ճանապարհորդություն կատարել Քարահունջ և Դավիթ Բեկ գյուղերի Մ17 և Կապան-Ճակատենի մայրուղիներով: ԱՄՆ քաղաքացիները պետք է շարունակեն զգուշություն ցուցաբերել Հայաստանի եւ Ադրբեջանի միջև սահմանների մոտ եւ խուսափեն Լեռնային Ղարաբաղի հակամարտության գոտու և շփման գծի մերձակայքում ուղեւորություններից»։
***
Հայաստանում ԱՄՆ դեսպանատունը երեկ էլեկտրոնային փոստով քաղաքացիներին անվտանգության նախազգուշացում է ուղարկել։ Այս մասին թվիթերյան իր էջում գրել է Էլիսոն Թահմիզյանը։ «Հայաստանում ԱՄՆ դեսպանատունը երեկ էլեկտրոնային փոստով քաղաքացիներին անվտանգության նախազգուշացում է ուղարկել։ Դա հատուկ ահազանգ է Գորիս-Կապան ավտոճանապարհին, որը ադրբեջանցիները գրավել և անցակետեր են տեղադրել։
Այն կայքերում տեղ գտած սովորական գրառում չէ։ Հոկտեմբերի 4-ին քաղաքացիներին արդեն ասվել է․ «Մի՛ մեկնեք Հայաստան»։
Այն կայքերում տեղ գտած սովորական գրառում չէ։ Հոկտեմբերի 4-ին քաղաքացիներին արդեն ասվել է․ «Մի՛ մեկնեք Հայաստան»։
