Այսօր Թուրքիայում 5.0 մագնիտուդ ուժգնությամբ երկրաշարժ է տեղի ունեցել
Այսօր Թուրքիայի արեւելքում 5.0 մագնիտուդով երկրաշարժ է գրանցվել։ Այս մասին հայտնում է Եվրոպական-միջերկրածովյան սեյսմոլոգիական կենտրոնը։Երկրաշարժի էպիկենտրոնը գտնվել է մոտ 350 հազար մարդ բնակչությամբ Վան քաղաքից 44 կմ հյուսիս-արեւելք։ Օջախը գտնվել է 2 կմ խորության վրա։ Ավերածությունների կամ զոհերի մասին տեղեկություններ չկան։
