Ասում են իբր Հունաստանում տեղակայված ամերիկյան բազաները ուղղված են Ռուսաստանի դեմ, դա մեր դեմ է. մենք այդ խայծը կուլ չենք տա
Թուրքիայի նախագահ Ռեջեփ Թայիփ Էրդողանը կասկածի տակ է դրել, որ Հունաստանում տեղակայված ամերիկյան բազաները ուղղված են Ռուսաստանի դեմ։Նա նշել է, որ Հունաստանում ստեղծվել է ԱՄՆ ինը ռազմակայան։ «Ո՞ւմ դեմ են դրանք տեղակայվել: Ասում են՝ Ռուսաստանի։ Բայց մենք այդ խայծը կուլ չենք տա»,- ասել է Թուրքիայի ղեկավարը Վենեսուելայի նախագահ Նիկոլաս Մադուրոյի հետ բանակցություններից հետո Անկարայում կայացած մամուլի ասուլիսի ժամանակ։
Բացի այդ, Էրդողանը հիշեցրել է, որ Հունաստանի վարչապետ Կիրիակոս Միցոտակիսն իրեն առաջարկել է բանակցել Անկարայի և Աթենքի միջև՝ առանց երրորդ երկրների մասնակցության։ Սակայն երկու շաբաթ անց հույն քաղաքական գործիչը հայտնվեց ԱՄՆ Կոնգրեսում, որտեղ հակաթուրքական հռետորաբանությամբ ելույթ ունեցավ. հավելել է Թուրքիայի նախագահը։
Ավելի վաղ Ռեջեփ Թայիփ Էրդողանը Հունաստանին նախազգուշացրել էր երկրի նկատմամբ ոչ բարեկամական վերաբերմունքի անթույլատրելիության մասին։ «Ընկերների համար մենք ընկերներ ենք, բայց նրանք (հունական իշխանությունները) պետք է իմանան, որ մենք համարժեք պատասխան կտանք նրանց, ովքեր մեզ թշնամու աչքերով են նայում», - գնահատել է Թուրքիայի նախագահը Անկարայի և Աթենքի լարված հարաբերությունները։
