Կոչ ֆրանսաբնակ հայերին՝ ՀՀ տարածքի համար օգտագործել է ադրբեջանական տեղանուններ,EuroNews-ի խմբագիրներից պահանջել ուղղել խայտառակ սխալը
Infoteka24.ru-ն գրում է, որ Եվրոպական լրատվամիջոցները բազմիցս են աչքի ընկել իրենց բացարձակ անտեղյակությամբ Հարավային Կովկասի և մասնավորապես ղարաբաղյան հակամարտության վերաբերյալ։ Արևմտյան կայքերում հրապարակված նյութերից հաճախ կարելի է եզրակացնել, որ տեղի լրագրողները, որոնք շոշափում են նման բարդ և զգայուն հակամարտությունը, իրենց նեղություն չեն տալիս նյութը կարդալ և պարզապես հետապնդում են թեժ լուրեր հաղորդելու նպատակ։Նման գործակալությունների թվում է աշխարհահռչակ EuroNews-ը։ Թբիլիսիում Հայաստանի և Ադրբեջանի արտգործնախարարներ Արարատ Միրզոյանի և Ջեյհուն Բայրամովի հանդիպման մասին իր տեղեկատվական նյութում EuroNews-ի հեղինակը մեկ պարբերություն նաև գրել է հայկական ուժերի կողմից դիրքերը գնդակոծելու Բաքվի մեղադրանքների մասին, և ոչ այլ կերպ է անվանել այդ տարածքը, քան «Բասարգեչարի շրջանի Յուխարա Շորջա բնակավայրի մոտ», չնայած խոսքը Հայաստանի Գեղարքունիքի մարզի Վերին Շորժա բնակավայրին է վերաբերվել։
Հնարավոր է, որ EuroNews-ի լրագրողները, ամենայն հավանականությամբ, չեն պարզել մանրամասները, և պարզապես պատճենել են Ադրբեջանի ՊՆ հայտարարության տեքստը։
Մյուս կողմից, հարց է առաջանում, թե ինչո՞ւ նյութի մեջ մտցնելով հակամարտող կողմերից մեկի որոշ հայտարարություններ, այդ «ազնիվ» լրատվամիջոցը նեղություն չի կրել ավելացնելու այդ մեղադրանքը հերքող մյուս կողմի՝ Հայաստանի, պաշտոնական դիրքորոշումը։ Ավելին, Երևանը ինքը բազմիցս է մեղադրել Բաքվին հրադադարի ռեժիմը խախտելու մեջ, ինչի հետևանքով հայկական կողմից նույնիսկ զոհեր են եղել։ Ուրեմն, միգուցե՞ դա նյութի հեղինակի սխալը չէ, և ադրբեջանական քարոզչությունն արդեն իսկ ներթափանցել է այդ եվրոպական հիմնական խոսափող։
Ցանկալի է հուսալ, որ նման կոպիտ ոչ պրոֆեսիոնալիզմը լրագրողի անփույթ մոտեցման արդյունք է, այլ ոչ թե հեղինակավոր գործակալության նենգության ցուցիչ։
Կոչ ենք անում ֆրանսաբնակ հայերին կապ հաստատել Լիոնում գտնվող Euronews-ի գլխավոր գրասենյակի հետ և խմբագիրներից պահանջել ուղղել խայտառակ սխալը։
