Ձեզ դո՞ւր է գալիս խեղճ լինել, չե՞ք ափսոսում կորցնել երիտասարդ տղաներին, ձեր իրավունքն է, անձամբ ես միշտ խփում եմ թշնամիներին
Ալեքսանդր Լապշինը իր ֆեյսբուքյան էջում գրում է.Երեկ Արցախում տեղի ունեցած դեպքերի մասին հակիրճ կասեմ: Եբրայերեն մի ասացվածք կա "אם אנחנו לא בשביל עצמנו, אז מי בשבילנו", որ թարգմանվում է այսպես. «Եթե ոչ մենք ինքներս մեզ համար, ապա ո՞վ մեզ համար»: Երբեմն ինձ թվում է, որ այդ դարձվածքը, ներեցեք, պետք է անջնջելի դաջել յուրաքանչյուրի ճակատին: Ես Հայաստանի մասին եմ ասում: Քանի դեռ ժողովուրդը և նրա առաջնորդները չեն հասկանա, որ դուք ոչ ոքի պետք չեք և ոչ ոք ձեզ չի պաշտպանի (եթե անգամ խոստացել է), դուք միշտ կլինեք խոցելի վիճակում:
Քանի դեռ չեք սովորի նախաձեռնություն և ռիսկի դիմելու համարձակություն դրսևորել, դարձյալ թույլ կմնաք, նախահարձակ չեք լինի թշնամու նկատմամբ բոլոր ճակատներում (առաջին հերթին դիվանագիտական և փիար)՝ էլի թույլ կմնաք: Ձեզ դո՞ւր է գալիս խեղճ լինել, չե՞ք ափսոսում կորցնել երիտասարդ տղաներին, ձեր իրավունքն է: Անձամբ ես միշտ խփում եմ թշնամիներին իմ համեստ ուժերի չափով, երբեք կանգ չեմ առնում, եթե անգամ թշնամին ժամանակավոր սսկվել է. նրանք միշտ պետք է հիշեն, որ ես իրենց թիկունքում եմ: Եվ իմ արդյունքները դուք գիտեք:
