Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ          Պարզվել է վանաձորցի 20-ամյա հղի կնոջ մահվան պատճառը       Օդի ջերմաստիճանը աստիճանաբար կբարձրանա 8-10 աստիճանով. եղանակն առաջիկա օրերին    

31 օգոս 2022 16:55

Նրանք, ովքեր միջնորդ են ձևանում, չլինելով այդպիսին, ոչինչ չունեն առաջարկելու. կապ չունի հայ-ադրբեջանական կարգավորմանը նպաստելու իրական ցանկության հետ. ՌԴ ԱԳՆ

ԵՄ գործունեությունը Հարավային Կովկասում պայմանավորված է աշխարհաքաղաքական հավակնություններով, չորեքշաբթի ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։


«Մեր կարծիքով, սա որևէ կապ չունի հայ-ադրբեջանական հարաբերությունների կարգավորմանը նպաստելու իրական ցանկության հետ։ Ես կասեի, որ եվրոպացիների այս կեղծ նախաձեռնություններն ավելի շատ նման են միջնորդության դափնիներն անամոթաբար յուրացնելու փորձի, որի տակ ոչինչ չկա»,- ասել է Զախարովան:


ՌԴ ԱԳՆ ներկայացուցիչն ասել է, որ Ռուսաստանի աշխատանքն այս ուղղությամբ բերում է կոնկրետ արդյունքների և համապատասխանաբար գնահատվում է կողմերի կողմից։


«Նրանք, ովքեր միջնորդ են ձևանում, չլինելով այդպիսին, ըստ երևույթին, ոչինչ չունեն առաջարկելու և ընդունակ չեն, բայց ուզում են ինչ-որ կերպ իրենց ներգրավվածությունն այստեղ ցույց տալ»,- ասել է Զախարովան:




Միաժամանակ ՌԴ ԱԳՆ ներկայացուցիչը նշել է, որ հայ և ադրբեջանցի գործընկերներից որևէ տեղեկություն չի ստացվել ԵՄ միջնորդությամբ խաղաղության համաձայնագրի տեքստը մշակելու համար աշխատանքային խումբ ստեղծելու պլանների մասին։


Օգոստոսի 31-ին Բրյուսելում նախատեսված են Հայաստանի վարչապետ Նիկոլ Փաշինյանի հանդիպումները Ադրբեջանի նախագահ Իլհամ Ալիևի և Եվրոպական խորհրդի նախագահ Շառլ Միշելի հետ։


Ավելի վաղ, ի պատասխան Ադրբեջանի նախագահի օգնական Հիքմեթ Հաջիևի հայտարարության, թե Բրյուսելում նախատեսված եռակողմ հանդիպումը նախատեսում է համաձայնության գալ խաղաղ համաձայնագրի տեքստը պատրաստող խմբի ստեղծման շուրջ, Հայաստանի վարչապետի գրասենյակը նշել է, որ հանդիպման ավարտին համապատասխան հաղորդագրություն կտարածվի։


Մեկնաբանություններ


Համընկնող լուրեր