Այնպիսի կախվածություն է ստեղծվել, որ Ադրբեջանը, երբ ուզի՝ կարող է անելանելի վիճակ ստեղծել ղարաբաղցիների համար, ահա թե ինչու է պետք համագործակցել Ադրբեջանի հետ
«Եթե այսպես շարունակվի՝ ապագա բանակցային գործընթացը լինելու է հետևյալ ֆորմատով՝ Բաքու, Ստեփանակերտ և ինչ-որ չափով՝ Մոսկվա: Թե ինչ հետևանքների կարող է բերել այս ֆորմատը, ես կառաջարկեմ մեր փորձագետներին և լրագրողներին գնահատեն»,- այսօր հրավիրած մամուլի ասուլիսի ժամանակ՝ խոսելով Արցախում ստեղծված իրավիճակից, կարծիք հայտնեց ՀՀ երկորրդ նախագահ Ռոբերտ Քոչարյանը:
«Տպավորությունն այնպիսին է, որ Ղարաբաղի իշխանությունը հարմարվել է ինչ-որ տեղ այս վիճակի հետ: Իհարկե, իրենց հայտարարություններում խոսում են ինքնորոշման, սուվերենության, Հանրապետության մասին, բայց այլ խոսակցություններում թեման մի քիչ ուրիշ է»,- ասաց Քոչարյանը:
«Տպավորությունն այնպիսին է, որ Ղարաբաղի իշխանությունը հարմարվել է ինչ-որ տեղ այս վիճակի հետ: Իհարկե, իրենց հայտարարություններում խոսում են ինքնորոշման, սուվերենության, Հանրապետության մասին, բայց այլ խոսակցություններում թեման մի քիչ ուրիշ է»,- ասաց Քոչարյանը:
«Ղարաբաղի իշխանության կախվածությունը Բաքվից այս ընթացքում միայն մեծացել է: Այն փաստը, որ նոր ճանապարհի հետ չի կառուցվել գազամուղ, էլեկտրական սյուները չեն տեղափոխվել, և կապի մալուխը մնացել է նույն՝ հին ճանապարհի վրա, այնպիսի մի կախվածություն է ստեղծում, որ Ադրբեջանը ցանկացած ժամին՝ երբ ուզի, կարող է անելանելի վիճակ ստեղծել ղարաբաղցիների համար: Եվ Ղարաբաղի իշխանության համար սա ևս լինելու է մի բացատրություն, թե ինչու է պետք համագործակցել Ադրբեջանի հետ»,- հայտարարեց ՀՀ երկրորդ նախագահ Ռոբերտ Քոչարյանը:
