Ֆրանսիա կատարած այցից եկած Արցախի պատվիրակությունը չի կարողացել վերադառնալ Արցախ.Դավիթ Բաբայան
Արցախը Հայաստանի և արտաքին աշխարհի հետ կապող միակ ճանապարհը փակելով ադրբեջանական կողմը փորձում է կաթվածահար անել Արցախը:Այս մասին Երևանում հրավիրված ասուլիսի ժամանակ հայտարարել է Արցախի արտգործնախարար Դավիթ Բաբայանը:«Արցախը շարունակում է մարտնչել և շարունակելու է: Մենք բոլորս հիմա պետք է միասնական ճակատով հանդես գանք»,-ասաց Բաբայանը:
Արցախի արտգործնախարարը միջազգային հանրությանը կոչ արեց զսպել Ադրբեջանի ցեղասպան քաղաքականությունը և քայլեր ձեռնարկել Լաչինի միջանցքը բացելու ուղղությամբ:
Դավիթ Բաբայանը նաև հայտարարեց, որ Ֆրանսիա կատարած այցից եկած Արցախի պատվիրակությունը չի կարողացել վերադառնալ Արցախ, քանի որ Ադրբեջանը փակել է ճանապարհը:
