Ամուսնուս կյանքը վտանգված է, դիմում եմ ամբողջ աշխարհին. Վիգեն Էուլջեքջյանի կնոջ ահազանգը          Տեսանյութ.Թուրքիայում նորից մոլեգնում են անտառային հրդեհները       Բաքվում պահվող հայ գերիների շրջանում եղել են ինքնասպանության փորձեր. «Ազատություն»    

14 հուն 2023 14:57

Տեսանյութ․Հանրային գործիչները խոսում էին, որ վտանգները բազմաթիվ էին.Հայաստանը ևս ապահովագրված չէ այն ամենից, ինչ տեղի է ունենում այսօր Արցախում

«Արցախում այսօր տեղի ունեցողը երկար ճանապարհ է անցել: Սա մեկ օրվա նորություն չէ: Իրականում վատագույն սցենարի դեպքում ոչ ոք չէր կարող պատկերացնել, որ Արցախը կարող է շրջափակման մեջ հայտնվել, բայց բազմաթիվ քաղաքական ու հանրային գործիչներ խոսում էին, որ վտանգները բազմաթիվ էին»,- «Շրջափակված Արցախ. Ադրբեջանի ահաբեկչության, միջազգային լռության և հանցավոր անտարբերության ճիրաններում» խորագրով քննարկման ընթացքում ասաց ԱԺ նախկին պատգամավոր, «Վերածնվող Հայաստան» կուսակցության անդամ Հռիփսիմե Ստամբուլյանը:


Նրա խոսքով՝ ակնհայտ է, որ Հայաստանը նույնպես ապահովագրված չէ այն ամենից, ինչ այսօր տեղի է ունենում Արցախում, և բոլորս էլ գիտակցում ենք, որ Արցախում տեղի ունեցողը քաղաքական ճգնաժամ է, որը արցախցուն բերում է բարոյահոգեբանական տեռորի:


«Պատկերացրեք մայր, ով գիտակցում է, որ իր երեխայի ճակատագիրն անորոշ է, կամ ֆիզիկական գոյությունը վտանգված է, եթե շարունակի ապրել Արցախում: Մայրը, ով տեսնում է, որ իր երեխան չունի ապագա, բռնելու է արտագաղթի ճանապարհը: Այն, ինչ կատարվում է, Արցախի հայաթափման նպատակ ունի»,- ասաց Հռիփսիմե Ստամբուլյանը:


Վերջինս շեշտեց՝ արցախցու համար այսօր ամենակարևոր բանը Հայաստանի, Սփյուռքի աջակցությունն իր թիկունքում զգալն է, և եթե դա չզգա, կոտրվելը շատ հեշտ է լինելու:

Մեկնաբանություններ


Համընկնող լուրեր