Կենդանակերպի նշաններ, որոնք պատրաստ են սիրել ամբողջ կյանքում          Մարտի 20-22-ը սպասվում է G2 կատեգորիայի գեոմագնիսական փոթորիկ.արձանագրվել է արեգակի բռնկում       ՆԱՏՕ - ն և Ադրբեջանը համագործակցության նոր փաստաթուղթ են պատրաստում    

28 հուն 2023 18:28

Գերմանիան, ԱՄՆ-ը և Ֆրանսիան Թուրքիայում իրենց քաղաքացիներին զգուշացրել են հնարավոր ահաբեկչությունների մասին

Թուրքիայում Գերմանիայի դեսպանատունը, հետևելով ԱՄՆ-ի և Ֆրանսիայի դիվանագիտական ​​առաքելություններին, Եվրոպայում Ղուրանը պղծելու նպատակով մի շարք գործողություններից հետո նախազգուշացրել է երկրում իր քաղաքացիներին Թուրքիայի տարածքում հնարավոր ահաբեկչությունների մասին։

«Անվտանգության ծառայությունների ներկայացուցիչների համաձայն՝ Թուրքիայում Շվեդիայում իր դեսպանատան Ղուրանի այրման միջադեպից հետո ահաբեկչական հարձակումների վտանգը մեծանում է», – ասվում է Գերմանիայի դեսպանատան Twitter-ում շաբաթ օրը հրապարակված հայտարարության մեջ։ Այս առումով Թուրքիայում գտնվող Գերմանիայի քաղաքացիներին խորհուրդ է տրվում առավելագույն ուշադրություն և զգոնություն ցուցաբերել հասարակական վայրեր այցելելիս, խուսափել մարդկանց կուտակումներից, ինչպես նաև այն վայրերից, որտեղ պաշտամունք է կատարվում։

Նման նախազգուշացումներ են հնչել ուրբաթ օրը ԱՄՆ-ի և Ֆրանսիայի դեսպանատների կողմից։

Կոպենհագենում Թուրքիայի դեսպանատան մոտ Ղուրանը պղծելու նոր ակցիայից հետո Անկարայում Դանիայի դեսպանը կանչվել է Թուրքիայի արտգործնախարարություն, որտեղ նրա նկատմամբ խիստ բողոք է հնչել։

Ավելի վաղ Թուրքիայի և Շվեդիայի միջև մեծ սկանդալ էր ծագել հունվարի 21-ին Ստոկհոլմում Թուրքիայի դեսպանատան մոտ Ղուրանի այրման պատճառով։ Դրանից հետո Թուրքիայի նախագահ Թայիփ Էրդողանը հայտարարել է, որ Շվեդիան չպետք է Անկարայից աջակցություն սպասի ՆԱՏՕ-ին անդամակցելու իր դիմումին։

Մեկնաբանություններ


Համընկնող լուրեր