Թուրքիայի ափերի մոտ խորտակվել է Ուկրաինա ուղևորվող նավը
Թուրքիայի փրկարար ծառայությունները որոնում են Միջերկրական ծովում խորտակված առևտրային նավի անձնակազմի ինը անդամներին. նավը շարժվում էր դեպի ուկրաինական Իզմայիլ նավահանգիստ։Այս մասին հայտարարել է Անթալիայի նահանգի նահանգապետ Էրսին Յազիչին։
Demiroren գործակալության տվյալներով՝ նավի վրա եղել է անձնակազմի 14 անդամ, նրանցից 5-ին հաջողվել է փրկել։
Թուրքական առափնյա պահպանության հայտարարության մեջ ասվում է, որ Գվինեա-Բիսաու դրոշով նավը, որը Իսքենդերունից մեկնում էր Իսմայիլ, խորտակվել է ապրիլի 5-ին, տեղական ժամանակով ժամը 03:47-ին, Կումլուջա քաղաքի ափերի մոտ: Կումլուջայի գլխավոր դատախազությունը միջադեպի հետաքննություն է սկսել։
