«Լավ են արել, մի հատ հաշվեք, թե քանի շիշ է գլխիս ընկել». Ոստիկանապետը՝ լուսաձայնային նռնակներ կիրառելու մասին          Ոստիկանությունն անցավ հատուկ միջոցների․ կիրառվում են լուսաձայնայն նռնակներ       Ինչո՞ւ են Մոսկվան և Արևմուտքը հեռու մնում հայաստանյան իրադարձություններից. չբացահայտված ինչ-որ արտաքին ո՞ւժ է ազդել այս իրադարձությունների վրա    

21 հուն 2023 17:15

Պապիլոմավիրուսի դեմ պատվաստանյութի ընդամենը 1 չափաբաժինը կարող է երկար տարիներ պաշտպանել կնոջը քաղցկեղ առաջացնող վիրուսով վարակվելուց

Մարդու պապիլոմավիրուսի դեմ պատվաստանյութի ընդամենը մեկ չափաբաժինը կարող է երկար տարիներ պաշտպանել կնոջը քաղցկեղ առաջացնող վիրուսով վարակվելուց, պարզել են Մելբուռնի համալսարանի գիտնականները: Հետազոտությունը հրապարակվել է The Lancet Regional Health ամսագրում:

Ֆիջիում անցկացված հետազոտությանը մասնակցել է ավելի քան 800 կին։ Վերլուծությունները ցույց են տվել, որ ութ տարվա ընթացքում պատվաստանյութը 81 տոկոսով արդյունավետ գործել է ՄՊՎ 16 եւ 18 ամենատարածված երկու շտամների դեմ, որոնք առաջացնում են արգանդի վզիկի քաղցկեղի մոտ 70 տոկոսը։    

Նախկինում մեկ այլ ուսումնասիրություն ցույց է տվել, որ ՄՊՎ պատվաստանյութի մեկ չափաբաժինն ունեցել է նույն արդյունավետությունը (97,5 տոկոս), ինչ երկու կամ երեք դեղաչափերը:

Արգանդի վզիկի քաղցկեղը կանանց շրջանում քաղցկեղի մահվան չորրորդ հիմնական պատճառն է ամբողջ աշխարհում, իսկ արգանդի վզիկի քաղցկեղի դեպքերի 88 տոկոսը ցածր եւ միջին եկամուտ ունեցող երկրներում է: Շատ դեպքերում հիվանդությունը կարելի է կանխել պատվաստումների միջոցով, սակայն 2021 թվականի դրությամբ աշխարհում աղջիկների միայն 13 տոկոսն է պատվաստված:

Ի սկզբանե պատվաստումների սխեման խորհուրդ էր տալիս երկու կամ երեք դեղաչափ՝ օպտիմալ պաշտպանություն ապահովելու համար: Այնուամենայնիվ, ավելի շատ ուսումնասիրություններ ցույց են տալիս, որ մեկ պատվաստումը նույնքան արդյունավետ է:

Մեկնաբանություններ


Համընկնող լուրեր