Սպասվում է բարձր կարգի հրդեհավտանգ իրավիճակ, օդի ջերմաստիճանը կբարձրանա 2-5 աստիճանով          Մի քանի կանոն, թե ինչպես և ուր պահել փողը, որպեսզի այն շատանա       Շահրամանյանի անունից դիմելու ենք դատական պաշտպանության՝ ընդդեմ 9-րդ դասարանի «Հայաստանի պատմություն» դասագրքի հեղինակների    

22 հուն 2023 17:14

Սաուդյան Արաբիայի ակումբները հետաքրքրված են Մխիթարյանով

Իտալական Calciomercato-ի համաձայն, Հենրիխ Մխիթարյանը գրավել է Սաուդյան Արաբիայի ակումբների ուշադրությունը, որոնք մտադիր են հնարավորինս շատ փորձառու խաղացողներ հրավիրել իրենց առաջնություն, գրում է Armsport.am-ը։


Թե կոնկրետ որ ակումբն է հետաքրքրված Մխիթարյանի ծառայություններով, չի նշվում։ Մխիթարյանի տրանսֆերային արժեքն ըստ Transfermarkt-ի գնահատվում է 6 մլն եվրո։


Բացի Մխիթարյանից, սաուդյան ակումբները հետաքրքրված են նաև «Ինտերի» ևս մեկ ֆուտբոլիստի՝ Մարսելո Բրոզովիչի ծառայություններով։


34-ամյա հայ փլեյմեյքերը դեռ մեկ տարի ունի «Ինտերի» հետ պայմանագրի ավարտին․ 2022/23 մրցաշրջանում նա օգնեց միլանյան ակումբին դուրս գալ Չեմպիոնների լիգայի եզրափակիչ, ինչպես նաև նվաճել է Իտալիայի Սուպերգավաթը։ Նշվում է, որ Ինձագին հույս ունի, որ կարող է պահել հայ ֆուտբոլիստին իր թիմում:


Մխիթարյանից բացի, աղբյուրի տեղեկություններով, արաբական ակումբները հետաքրքրված են նաև Մյունխենի «Բավարիայի» հարձակվող Թոմաս Մյուլերի ծառայություններով։


Մեկնաբանություններ


Համընկնող լուրեր